POP 5

Lajmet më të lexuara të 5 minutave të fundit

Ekonomi

Forumi Ekonomik Shqipëri-Bullgari
Berisha: Turizmi tërheq investimet

Kryeministri, Sali Berisha tha sot gjatë Forumit Ekonomik Shqipëri-Bullgari se vendi i ka të gjitha potencialet për të tërhequr investimet e huaja, sidomos theksoi ai, në fushën e turizmit.
Forumi Ekonomik Shqipëri-Bullgari <br />Berisha: Turizmi tërheq investimet
TIRANE - Kryeministri, Sali Berisha tha sot gjatë Forumit Ekonomik Shqipëri-Bullgari se vendi i ka të gjitha potencialet për të tërhequr investimet e huaja, sidomos theksoi ai, në fushën e turizmit. Kryeministri në prezencë edhe të homologut të tij bullgar, Boyko Borissov tha se “Shqipëria ka pasur rritje ekonomike 4 herë më të madhe se rritja mesatare e rajonit, dhe kjo sipas tij në sajë të reformave të ndërmarra “të cilat kishin si qëllim kryesor klimën miqësore mes biznesit.”

“Marrëdhëniet midis dy vendeve janë të shkëlqyera në rrafshin politik. Kanë një trashëgimi që daton në kohët e largëta si marrëdhënie miqësore. Sot më shumë se kurrë kanë nevojë për kontributin tuaj, për projektet tuaja, për angazhimin tuaj më të madh. Shtyllat më kryesore të bashkëpunimit, janë të bashkëpunimit ekonomik mes dy vendeve. Ky bashkëpunim ka një bazë reale e një vullnet të qartë politik për ta mbështetur. Qeveria ime do bëjë gjithçka që projektet e tyre në Shqipëri të jenë një histori suksese.”, u shpreh Kryeministri gjatë fjalës përshëndetëse në këtë forum.

Nga ana tjetër, kryeministri Berisha të njëjtën ftesë e drejtoi edhe ndaj shqiptarëve, për të ndërmarrë investime në Bullgari, pasi “Borissov më garantoi se do të krijojnë mbështetje të plotë”, shtoi Berisha.

“Shqiptarët të ndërmarrin investime në Bullgari, Borisov më garantoi se do krijojnë një mbështetje të plotë. Rruga e vetme për t’i mbijetuar krizës, që duket se do të jetë afatgjatë janë reformat që kanë pasur rezultate impresionuese. Në 2 vitet e fundit eksportet shqiptare janë 2-fishuar. Papunësia ndonëse ekziston si problem nuk ka pasur rritje gjatë këtyre viteve. Shqipëria ofron për çdo investitor potenciale të mëdha.”, përfundoi fjalën përshëndetëse, kryeministri Berisha.

(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54