VIDEO+FOTO/ ‘Apeli’ i dha vulën, Alibeaj ‘jo luftë’ për selinë e PD! Ja si duken zyrat e reja të PD-së

Pas zaptimit me forcë të selisë blu nga grupi i Rithemelimit i drejtuar nga ish kryeministri Sali Berisha, edhe pas vendimit të Gjykatës së Apelit që i dha të drejtën e kësaj godinë grupit të Enkelejd Alibeaj, ambientet nuk janë liruar.

Pas marrjes së vulës, Enkelejd Alibeaj nuk do të bëjë luftë për selinë e Partisë Demokratike. Aktivitetin  e saj politik PD-ja zyrtare do ta ushtrojë në zyra të reja, ndrësa siç shihet edhe nga fotot në hyrje të godinës është vendosur logoja dhe emri i PD-së.

Pak javë më parë Report Tv u fut brenda ambienteve që gjenden në zonën ish-bllokut shumë pranë kryesisë së Kuvendit dhe përballë Gjykatës Kushtetuese, ambient ku më parë ushtronte aktivitetin një bankë e nivelit të dytë. Tani më rreth 170 metër katrorë do të shërbejë për zyrat e drejtuesve të PD-së zyrtare dhe mbledhjet që ata do të zhvillojnë.

Selia blu vijon të jetë e zaptuar nga Sali Berisha edhe pse gjykata e Apelit i dha vulën Alibeajt. Grupimi i Alibeajt la selinë në mënyrë paqësore dhe prej aso kohe mbledhjet zhvilloheshin në kryesinë kuvendit ose në ambiente private në Tiranë sikurse ndodhi të hënë në mbledhjen maratonë 7-orëshe të tij.

Sakaq KQZ ka regjistruar si PD zyrtare në zgjedhjet e 14 majit, atë të drejtuar nga kryetari i komanduar Enklejd Alibeaj, ndërsa grupimi i Berishës do të futet në zgjedhje me koalicionin “Bashkë Fitojmë”, por jo me logon e PD, referuar vendimit të sotëm të KQZ-së.

M.Q./A.M./Shqiptarja.com

TAG:
• enkelejd alibeaj
• PD
• Lufta brenda PD
• sali berisha