POP 5

Lajmet më të lexuara të 5 minutave të fundit

Sport

FOTO EKSKLUZIVE/ Lotët e zhgënjimit të një kampioneje, trajnerja e Enkiledës: Federata s’na dha fonde, do merrnim medalje! FSHP: S’plotësoi kriteret

Trajneria e saj akuzon federatën se nuk i ka dhënë fondin që i takonte, ndërsa Report TV ka siguruar një foto ku 16-vjeçarja qan për mungesën e saj në Evropian.

Një vit më parë Shqipëria krenohej me peshëngritësen e talentuar Enkileda Carja, e cila u shpall kampione Evrope për të reja në stilin e shkëputjes. Pa harruar 3 medaljet e arta dy vite më parë në Evropianin e moshave deri në 15 vjeç. Mirëpo situata tani, edhe pse ka kaluar pak kohë, është e trishtë. Trajnerja e sportistet, Eglantina Kalemi, ka njoftuar se Enkileda nuk ka marrë pjesë në Evropianin U-20 që po zhvillohet në Poloni, pasi federata s’ka fonde për 16-vjeçaren.

E ndërkohë që në Poloni zhvillohej kampionati Evropian, Enkileda në Tiranë vijoi stërvitjen, duke arritur një rezultat që sipas trajneres, nëse do kishte qenë atje do kishte siguruar medalje. Siç tregon edhe kjo foto e siguruar nga Report TV Enkileda e ka përjetuar shumë keq mungesën në kampionatin Evropian, ndërsa nëse do të ishte në Poloni lotët mund të ishin gëzimi.

1730282351_sportistja.jpg

Megjithatë në një reagim në rrjetet sociale Federata Shqiptare e Peshëngritjes ka hedhur poshtë akuzat e trajneres së Enkiledës. Ajo shkruan se në testimet e kryera 1 muaj para aktivitetit, që është rënë dakord me vetë trajneren, Enkileda Carja nuk ka patur rezultatet e duhura për të marrë pjesë në Evropianin U-20. Sipas FSHP-së, referuar deklarimeve paraprake që bëhen për të marrë pjesë në garat ndërkombëtare, Evropiani në këtë rast, Enkileda nuk do arrinte medalje dhe si pasojë e një rregulli të brendshëm është vendosur të mos shkojë në Poloni.

Federata e Peshëngritjes shkon më tej, duke akuzuar trajneren se po përpiqet të hedhë baltë për faktin se në muajin nëntor janë zgjedhjet e federatës. Megjithatë në mes të kësaj është sportistja, e cila në disa raste ka bërë krenar Shqipërinë.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

VIDEO-LAJM/ Uzuni përshëndet me postim fansat e ekipit të ri Austin në spanjisht: Shihemi së shpejti në stadium!

VIDEO-LAJM/ Uzuni përshëndet me postim fansat e ekipit të ri Austin në spanjisht: Shihemi së shpejti në stadium!

24 Janar, 20:34