TIRANE - Dy ditë nga atentati në Rrugën e Kavajës në kryeqytet ku mbeti i vrarë një person dhe u plagosën dy të tjerë, A1 Report zbulon foton e Arianit Sterjo me emrin e ndryshuar në Artur Baze.

Sipas policisë së Tiranës, Baze, kishte qëllim të vriste katër persona, Pajtim Serjanin, Denis Ramanin, Ditmir Reçin dhe efektivit Roland Meta, ky i fundit efektiv policie. Të katër këtë persona ndodheshin në një lokal në rrugën “Islam Alla”, ku Baze ka qëlluar me armë ndaj tyre duke lënë të plagosur Serjanin, shok i Emiljano Shullazit,  të dy emra të njohur për drejtësinë shqiptare.

arjanit

Më pas dinamika e ngjarjes u zhvendos në rrugën “Him Kolli” pranë Kishës Katolike në Rrugën e Kavajës, kur Baze u ndoq nga efektivi i policisë. Gjatë shkëmbimit të zjarrit Artur Baze mbeti i vrarë ndërsa Meta, me detyrë punonjës policie pranë Njësisë së Operacioneve Speciale, mbeti i plagosur.

Dy atentate në Tiranë, shpëton Shullazi, polici vret atentatorin

Redaksia Online
(Shqiptarja.com)