TIRANE - Kolegët e TV A1Report sot janë gjetur në vështirësi. LSI kishte dërguar një material filmik në redaksi mbi një aktivitet të liderit Ilir Meta me të rinjtë e partisë. Nga pika e montazhit, ku po përgatitej kronika u dëgjua një zë: “Ore, po Meta ku është këtu se nuk e shoh?!”

Montazhieri u detyrua të afronte pamjet me qëllim që të kuptohej se ku ndodhej Iliri. I skuqur nga plazhi, veshur me një bluzë të kuqe, në një sfond ku dominonte ngjyra e kuqe... edhe kameramani më i mirë në botë do ta kishte gjetur veten ngushtë, ndërsa përgjegjësit për komunikimin në LSI duhet të bëjnë një “mea culpa” (ose të deklarojnë se ishin me leje).

ilir meta i skuqur

Me dashamirësi, po u sugjerojmë disa zgjidhje të thjeshta:

1) Pak pudrosje për fytyrën e shefit për të thyer njëtrajtshmërinë me bluzën,
2) Një bluzë tjetër që të dallohet nga e kuqja
3) Të paktën një sfond tjetër.

Teleshikuesit do të falënderonin përzemërsisht!

(Gre.M/Shqiptarja.com)