“Farsa po merr trajtë, ndeshje pas ndeshje”- janë fjalët e deputetit socialist, njëkohësisht tifoz i zjarrtë i Partizanit në faqen e tij të Instagram-it.

Erjon Braçe ka akuzuar arbitrimin e bërë në ndeshjen e fundit mes Partizanit dhe Kukësit, sfidë e cila u mbyll në barazim pa gola.

Sipas tij sulmuesit Ekuban i është mohuar një gol 100 përqind i rregullt dhe kjo është tendencioze.

Braçe thekson se sa herë që Skënderbeu lë pikë në ndeshjet e tij, Partizani pengohet në mënyra nga më të ndryshme për të marrë tre pikët që e afrojnë me kreun.

Kjo pengesë vjen pikërisht nga arbitrimi mbi të cilin klubi i kuq ka shpallur ‘Non Grata’ arbitrat Laver Alla, Enea Jorgji dhe së fundmi edhe arbitrin Lorenc Jemini.

Më poshtë, fjalët e Erjon Braçes të shkruara dje në profiling e tij në Instagram.

erjon brace
 (Shkrimi i Erjon Braçes pas rezultatit të ndeshjes së djeshme)

Redaksia Online
K.M/Shqiptarja.com