FOTO-VIDEO/Dëbora bllokon Qarkun e Dibrës në pranverë,situatë alarmante

Është përkeqësuar edhe më tepër situata nga moti i keq në vend. Qarku i Dibrës është bllokuar këtë fund marsi nga reshjet masive të dëborës. Ndonëse po mbyllim muajin e parë të pranverës, moti vazhdon të jetë si në dimër, ku trashësia e dëborës arrin deri në 40 centimetra në Dibër.

Reshjet e shumta të dëborës kanë rënë gjatë gjithë natës, duke bllokuar shumë zona. Report Tv ju sjell më poshtë video nga qyteti i Peshkopisë, i cili ka veshur i gjithi petkun e bardhë të dëborës.

Situata nga dëbora në qarkun e Dibrës
Reshjet e dëborës të nisura që ditën e djeshme kanë krijuar problemet e para në qarkun e Dibrës. Në Peshkopi trashësia e dëborës shkon në 30 centimetra ndërsa në zonat malore si Lura, Kala e Dodës, Selishtë etj, në 50 centimetra. Edhe në Bulqizë dëbora arrin në 35 centimetra, ndërsa në njësitë Trebisht, Ostren, Martanesh etj në 55 centimetra.

LEXO EDHE:
Moti i keq në Durrës, ndalohet lundrimi mjeteve të vogla të peshkimit

Rrugët kryesore të disa njësive administrative janë të pakalueshme ndërsa bashkitë kanë nisur drejt tyre borëpasteuese. Aksi nacional Qaf Bualli - Peshkopi në disa segmente ka probleme, mjetet janë gjetur të papërgatitura dhe kanë përfunduar në kanal, pasi nuk kanë pasur zinxhirë. Në Dibër e Bulqizë reshjet e dëborës vazhdojnë të bien me intensitet të lartë. Në Bashkitë Mat e Klos, problem janë njësitë Xibër e Macukull.

Situata është e tillë edhe në Qarkun e Kukësit, ku dëbora ka zbardhur gjithë vendin, deri në qytet, duke bllokuar zonat e thella malore.

TAG:
• debore
• moti i keq
• bllokohet qarku i dibres

Sondazhi i ditës:

Si e vlerësoni takimin e Ramës me shqiptarët në Athinë?

• Të nevojshëm

  68.3%

• Të panevojshëm

  25.3%

• Nuk e di

  6.4%

Vota total: 5618

• Sondazhi i ditës:

  Si e vlerësoni takimin e Ramës me shqiptarët në Athinë?

  Të nevojshëm Të panevojshëm Nuk e di