FOTO/ Zjarri përfshin rrobaqepsinë në Rrëshen, u ndez nga 40 vjeçarja, policia e heton në gjendje të lirë

Lezhë – Një rrobaqepsi është përfshirë nga flakët ditën e sotme në Rrëshen.

Raportohet se zjarri në rrobaqepsinë në pronësi të shtetases me inicialet D.K. ka rënë rreth orës 11:00, duke shkaktuar vetëm dëme materiale.

“Sot, rreth orës 11:00, ka rënë zjarr në rrobaqepsinë në pronësi të shtetases D. K. dhe për pasojë janë shkaktuar vetëm dëme materiale”,* njofton policia.

LEXO EDHE:
Studim për nëntokën e Lezhës, Neritan Ceka: Së shpejti gërmime të reja arkeologjike

Paraprakisht u dyshua se zjarri kishte rënë për shkak të një shkëndije elektrike, por më pas policia njoftoi se është vënë nga një 40 vjeçare e cila vuan nga probleme të shëndetit mendor. 

"Si rezultat i veprimeve të thelluara të kryera nga grupi hetimor, për rënien e zjarrit në rrobaqepësinë e shtetases D. K., paraditen e sotme, ka rezultuar se zjarri në këtë ambient nuk ishte shkaktuar nga shkëndijë elektrike. Nga hetimet dyshohet se është vënë nga shtetasja L. Ç., 40 vjeçe, banuese në Rrëshen, e cila vuan nga probleme të shëndetit mendor. Në vijim të veprimeve procedurale për këtë rast, u referuan materialet në Prokurori ku nisi procedimi në gjendje të lirë për shtetasen L. Ç., për veprën penale “Shkatërrimi i pronës me zjarr”", njofton policia.

TAG:
• Lezhe
• rrobaqepsi
• zjarri

Sondazhi i ditës:

Si ka qene per ju viti 2024?

• I mire

  43.8%

• I keq

  22.8%

• As i mire as i keq

  33.4%

Vota total: 1517

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq