Kush i dha ‘anonimit’ informacione konfidenciale të Aviacionit Civil për të sulmuar Erion Veliajn? SPAK: Po hetojmë për korrupsion dhe fshehje pasurie

Tirane- Një ditë pasi kryetari i Bashkisë së Tiranës Erion Veliaj, u mor në pyetje në SPAK për 5 orë nga prokurori Ols Dado, Prokuroria e Posaçme njoftoi sot (28 dhjetor) zyrtarisht se ka nisur një hetim për 4 vepra penale, por se çështja është regjistruar ende pa një emrin e një personi nën hetim. Kjo do të thotë, se kryebashkiaku u thirr në SPAK si person që ka dijeni rreth çështjes në hetim dhe ndaj tij nuk ka një akuzë.

Indicie për këtë hetim, sipas SPAK, është bërë kallëzimi i një personi të vetëidentifikuar si Nesti Angoni, i njëjti të cilin Veliaj e quajti një person anonim që nuk ekziston në asnjë regjistër të gjendjes civile. Veliaj e quajti këtë një kurth me letra anonime dhe sipas burimeve nga SPAK u kërkoi hetuesve ta thërrasin për deklarim edhe kallëzuesin anonim.  

 “Eshtë një kurth i sajuar. Kam qenë bashkëpunues” tha ai dje në këshillin bashkiak

LEXO EDHE:
Spanjolli u dënua për një cigare hashashi në Shqipëri: Avokati më kërkoi t’i jepnim 3 mijë euro prokurorit për lirimin

Hetimet pa autor, thotë SPAK – fillimisht nisën për veprën e korrupsionit pasiv të të zgjedhurve vendor, siç është depozituar kallëzimi, por nga provat e grumbulluara më tej – thekson prokuroria e posaçme - u arrit në konkluzionin se ka të dhëna që lidhen edhe me 3 vepra të tjera penale, korrupsion aktiv i të zgjedhurve vendorë, pastrim parash dhe fshehje ose deklarim të rremë të pasurisë.

Kryebashkiaku mësohet se gjatë 5 orëve në SPAK, është pyetur edhe një për fluturim në vitin 2004. Pra, denoncuesi anonim i ka kërkuar SPAK-ut të gjurmojë, pasi sipas tij Veliaj ka qenë me një person tjetër në të njëjtin avion. Pikëpyetja që natyrshëm ngrihet, është se si e ka gjetur ky anonim inekzistent aksesin për të gërmuar në regjistrat e Aviacionit Civil dhe të gjejë një informacion kaq konfidencial se në avion me Veliajn 20 vite më parë ka qenë dhe një person tjetër, biznesmen, kur sistemi TIMS as nuk ka ekzistuar në atë kohë. Kush është burimi i “kallëzuesit anonim shumë të informuar” që ka gjetur një dokument jo publik nga lista e Aviacionit Civil.

Të enjten e 26 dhjetorit 2024, ishte hera e dytë që Veliaj paraqitej në SPAK. Ndërkohë më 30 prill 2024, qëndroi më shumë se 7 orë, për çështjen e inceneratorit të Tiranës. Në fillim të këtij muaji, me vendim të Gjykatës së Posaçme, agjentët e BKH-së ushtruan kontrolle në zyrat e disa kompanive të bashkëshortes së kryebashkiakut, të cilës iu sekuestrua dhe celulari. Kontrolle pati dhe në banesat e vëllait të Veliaj, të cilit po ashtu iu sekuestrua telefoni, ndërsa Gjykata e Apelit rrëzoi ankimimin e të dyve, kundër kontrolleve të ushtruara

Opozita e linçon emrin e Veliajt me inceneratorin, apo me çështjen e famshme 5D të disa ish-drejtorëve të tij të akuzuar për korrupsion, por të dyja dosjet tashmë janë në rrugën e gjykimit, dhe kryebashkiaku nuk është i pandehur.

Njoftimi i plote i SPAK

Në përgjigje të interesit tuaj ju komunikojme: Mbi bazën e informacionit për referimin e veprës penale i datës 08.02.2024- i përpiluar nga hetuesit e Byrosë Kombëtare të Hetimit (BKH), Prokuroria e Posaçme kundër Korrupsionit dhe Krimit të Organizuar ka rregjistruar Procedimin Penal nr.27/2024, i cili fillimisht bën fjalë për veprën penale:“Korrupsion pasiv i funksionarëve të lartë shtetërorë ose i të zgjedhurve vendorë” i parashikuar nga neni 260 i Kodit Penal.

Informacioni për referimin e veprës penale mori shkas nga një kallëzim i bërë nga shtetasi i vetëidentifikuar si N.A. Hetuesit e BKH-së, pas verifikimit të të dhënave dhe administrimit të provave dokumentare, referuan informacionin përkatës për veprën penale, mbi bazën e të cilit u rregjistrua procedimi penal i mësipërm.

Deri në këtë fazë të hetimit paraprak, nga provat e grumbulluara, është arritur në konkluzionin se ekzistojnë të dhëna konkrete, të cilat lidhen jo vetëm me veprën penale të parashikuar nga neni 260 i Kodit Penal, por edhe me veprat penale: “Korrupsion aktiv i funksionarëve të lartë shtetërorë ose të zgjedhurve vendorë” i parashikuar nga neni 245, “Pastrimi i produkteve të veprës penale ose veprimtarisë kriminale” parashikuar nga neni 287/2 i Kodit Penal dhe “Refuzim për deklarim, mosdeklarim, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë, ose i çdo personi tjetër që ka detyrim ligjor për deklarim” parashikuar nga neni 257/a, pgf 2 i Kodit Penal.

Këto vepra janë pasqyruar tashmë edhe në Rregjistrin e Njoftimeve të Veprave Penale pranë Prokurorisë së Posaçme kundër Korrupsionit dhe Krimit të Organizuar.

TAG:
• spak
• Tirane
• erion veliaj
• Nesti Angoni

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.8%

Vota total: 1556

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq