FOTOLAJM/ Edi Rama blen
biletat për koncertin e Papavramit

TIRANE - Kryeministri Edi Rama bashkë me zonjën e tij Linda Rama janë parë në një veprim të pazakontë pasditen e të premtes në Universitetin e Arteve, ndërsa shkonin në koncertin e violinistit Tedi Papavrami.

Çifti kryeministror është ndalur në tavolinën e biletave dhe ka kërkuar të blejë biletat e hyrjes.  Të rinjtë që shisnin biletat fillimisht kanë ngurruar, por pas insistimit të Edi Ramës, u kanë marrë paratë në këmbim të dy biletave për koncertin.

Përmes rubrikës "Raportoni ju", fotografitë kanë mbërritur menjëherë në redaksinë e "Shqiptarja.com".  Mesazhi i një kryeministri-artist? Arti ndimohet edhe me blerjen e biletave nga ana e pushtetarëve, jo vetëm me ftesa.

Çifti Rama ka ndjekur kështu edicionin e dytë të festivalit  të muzikës klasike "Different trains", organizuar nga Tedi Papavrami dhe Arben Spahiu; në të luanin Klajdi Sahatçi, Vlorent Xhafsi, Olsi Lekeaj. Vetë Papavrami ka qënë organizator dhe nuk ka interpretuar në të.



(Në foto: Çifti Rama duke blerë biletat dhe salla e koncertit)

Redaksia online
(Shqiptarja.com)