Fotolajm/ Ja cilët janë plazhet
më të bukur në jug të Shqipërisë

Shqipëria është një tokë e mbushur plot surpriza dhe e aftë për të mahnitur edhe turistin më skeptik. Panorama e plazheve të mrekullueshme që ofron jugu i Shqipërisë për çdo turist të huaj që dëshiron të eksplorojë një vend të panjohur më parë.

Në rivierën shqiptare kemi mundësi të gjejmë plazhet me guralecë, plazhet e izoluar, plazhe ishull dhe disa plazhe me rërë të pashkelur. Shqipëria jugore ka pamje spektakolare me plazhet rivale të Greqinë.

Disa prej plazheve më të bukura e më të dashura për turistët dhe shqiptarët janë gjiri i Gramës, Gadishulli i Karaburunit, plazhi i Ksamilit, Dhërmiut, Syri i Kaltërt, Lukova etj.

Gjiri i Gramës 

Gjiri i Gramës në Gadishullin e Karaburunit i njohur si Gjiri i Grammatas, ndodhet në rrëzë të shpatit perëndimor, shumë të thiktë të tij në Orikumin e afërt. Gjiri i Gramës ka shërbyer si një vend strehimi për anijet që gjendeshin në vështirësi përgjatë këtij bregdeti të rrezikshëm në vështirësitë e motit.

Ky gji ka shërbyer fillimisht si zonë e shfrytëzimit të gurit lokal, në gurore të mëdha, gjurmët e të cilave duken edhe sot në të dy shpatet. Emri i Gramës është i lidhur në mënyrë të qartë me mbishkrimet e gdhendura që në antikitet, mbishkrimet shkëmbore kanë qenë të shumta në gjirin e Gramës, aty numërohen me shumë se 1500 mbishkrime.


(Në foto Gjiri i Gramës)


(Në foto Gjiri i Gramës)

Gadishulli i Karaburunit

Gadishulli i Karaburunit është ajo pjesë e bregdetit vlonjat, ku turizmi mund të gjej terrenin më të përshtatshëm për t’u zhvilluar. 25 km larg qytetit të Vlorës, në rrugë tokësore, Gadishulli i Karaburunit ofron surpriza në çdo stinë për këdo që e viziton atë.


(Në foto plazhet në Karaburun)

Agjenci turistike aplikojnë jo vetëm udhëtime përgjatë këtij masivi, por edhe pushime njëditore, në plazhet që ndodhen aty. Udhëtime të tilla organizohen kryesisht gjatë stinës së verës, ndërsa synohet që ato të shtrihen gjatë gjithë vitit.


Plazhi i Ksamilit

Ksamili përfaqëson një prej vendpushimeve bregdetare më të frekuentara gjatë verës. Qyteza e vendosur në skajin jugor të vendit ofron plazhe të vogla e të pastra, ndër më të bukurat e bregdetit Jonian. Shumë vizitorë e përzgjedhin Ksamilin për magjinë e ishujve dhe qetësinë.


(Në foto plazhi i Ksamilit)

Plazhet e vendosura vetëm pak km në jug të qytetit të Sarandës dhe shumë pranë Parkut Kombëtar të Butrintit i lejojnë pushuesve akses të lehtë për këto dy destinacione të jetës së mbrëmjes dhe turizmit kulturor.


(Në foto plazhi i Ksamilit)

Dhërmiu
Fshati i Dhërmiut ka qenë prej kohësh destinacioni më i mirë për plazh nga shqiptarët dhe turistët. Ky plazh është i ndërtuar në mënyrë të drejtë në breg të detit.
Plazhet e Dhërmiut janë të mbushura gjatë korrikut dhe gushtit.


(Në foto plazhi i Dhërmiut)

Në Dhërmi ndodhet dhe shpella e Piratëve

Shpella ujore ka një thellës prej 40 metrash, dhe nëpër muret e lagështa vihen re shenja bloze dhe gjurmë zjarresh. Ky objekt natyror, sipas gjeografëve vlonjatë, është shpella më e madhe detare e vendit, me xhepa të shumtë brenda saj. Për eksploruesit e natyrës, në Gadishullin e Karaburunit, ndodhet Shpella e Haxhi Alisë, detarit të njohur të Mesjetës së Vonë, i cili kishte ngritur në këtë shpellë portin për flotën e tij. Ndodhet në Karaburun, midis kepave të Gjuhëzës dhe Golovecit.

Sipas legjendës, Shpella dikur është përdorur nga Pirati i njohur i shekullit të XVII-të Haxhi Aliu. Këtu ai strehohej së bashku me anijen dhe njerëzit e tij. Pozicioni i favorshëm i Karaburunit i ofronte këtij pirati mundësinë e plaçkitjes së anijeve napolitane, turke, veneciane, dalmate, etj.


(Në foto Shpella e Piratëve)

Pasi u vra nga venecianët Haxhi Aliu u varros së bashku me të birin në Sazan. Por varret e tyre nuk janë gjendur asnjëherë. Pleqtë tregojnë se Haxhi Aliu ishte një hero deti, ujk i gjallë, që nuk i trembej as kohës së keqe, as përleshjeve me piratët e shumtë, çfarë kishte në kohën e tij nëpër Mesdhe.

Thanasi, një prej burrave më të moshuar të zonës, tregon se legjenda e kishe zmadhuar çdo veprim dhe trimëri të tij.


Syri i Kaltër, Sarandë

Nga thellësia e tunelit, përmes të cilit uji del në sipërfaqe, burimi merr ngjyrën blu, që i ngjan bebes së syrit. Po sa fillon rrjedhën, ngjyra fillon e çelet drejt së kaltrës. Bimësia që rrethon Syrin në pjesën e lartme të tij i ngjan më shumë qerpikëve, ndaj me të drejtë është quajtur “Syri i Kaltër”.


(Në foto Syri i Kaltër)

Ai është burimi më i madh dhe më interesant ndër 18 burimet që shpërthejnë rrëzë malit të Gjerë. Sot gëzon statusin e monumentit të natyrës. Thellësia e tij është tepër e madhe, arrin deri në 45 metra. Ai ndodhet përballë fshatit Krongj, 45 metra nën nivelin e luginës së Drinos.

Syri i Kaltër është burim me ujëra të freskëta dhe të ëmbla i rrethuar me bimësi të dendur dhe me gjelbërim të përhershëm.


(Në foto Syri i Kaltër)


Himara

Së bashku me të paturit e plazheve të shumta mahnitëse dhe të izoluar, Himara është e pazakontë në atë që shumica e popullsisë është me origjinë greke. Edhe pse ata janë një pakicë në Shqipëri ata kanë mbajtur kulturën e tyre greke dhe gjuhën gjatë shekujve.


(Në foto Himara)

Në Himarë janë plazhe të shumta të cilat janë kthyer në plazhet më të dashura jo vetëm për shqiptarët por edhe për turistët e huaj. Plazhi i Livadhit ndodhet poshtë kalasë së Himarës. Në Himarë ndodhet dhe plazhet si ai i Llamanit dhe Potamit.


(Në foto plazhi "Llaman")


Plazhi i Borshit

Shtrirja masive e plazhit në Borsh është i rrethuar me ullishte, kullota dhe maja të larta malore. Kjo është një nga më pak të zhvilluara nga plazhet kryesore të rivierës shqiptare.


(Në foto plazhi i Borshit)


Lukova
Në veri të Sarandës, Lukova është një opsion i mirë për një pushim në plazh. Ky vend është ideal në qoftë se ju doni një plazh të qetë. 


(Në foto Plazhi i Lukovës)

Redaksia Online
(m.z/shqiptarja.com)