PARIS - Tre lapsa në ngjyrë të bardhë, blu dhe të kuqe, që simbolizojnë flamurin e Francës është elementi që pikaset lehtë në xhepin e vogël të xhaketës së kryeministrit Rama.

Ndërsa i është bashkuar marshimit të madh të solidaritetit kundër terrorizmit në Francë, kreu i qeverisë shqiptare ka zgjedhur këtë elementë të veçantë për të shprehur solidaritetin ndaj viktimave të sulmeve të fundit që tronditën Francën.
 
Nga ana e tij edhe presidenti francez Francoi Hollande, ka përgëzuar kryeministrin shqiptar për përzgjedhjen e simbolit të 3 lapsave si shenjë solidariteti. Është prestigjiozja “Le Monde” e cila përmes një postimi në Twitter, ka bërë të ditur vlerësimin e Hollande, për zgjedhjen e tre lapsave, gjatë takimit mes tyre në Pallatin Elysse.

“Është e bukur ajo që ju keni në xhepin tuaj ", tha Holland në kryeministri shqiptar, Edi Rama, në Pallatin Elize” shkruan “Le Monde”
 
Kryeministri Rama ndodhet në Paris bashkë më ministrin e Punëve të Jashtme Ditmir Bushati, ministrin e Mirëqenies Sociale dhe Rinisë Erjon Veliaj, klerikë të lartë të katër besimeve e gazetarë nga Tirana. 

Redaksia Online
(Gre.M/e.c/Shqiptarja.com)