Pet Fair, vjen për herë të dytë në Tiranë. Kësaj herë në ditën e tokës, duke sjellë në qendër të vëmendjes ndërgjegjësimin dhe edukimin të komunitetit, veçanërisht fëmijëve, për mbrojtjen, kujdesin, trajtimin e duhur të kafshëve të braktisura. Në fokusin për qentë, u organizuan konkurse të cilët u mirëpritën nga qytetarët.
“Qeni është si pjestar i familjes. Kam ardhur këtu që qeni im të shoqërohet me qentë e tjerë. Kur nuk i doni të paktën mos i dhunoni”, shprehen qytetarët.
Nënkryetari i Bashkisë Tiranë, Andi Seferi u shpreh se aktivitete të tilla duhet të shërbejnë për të tërhequr vëmendjen dhe për të shtuar kujdesin për kafshët në ambientet publike.
“Është një ditë shumë e veçantë sot ku jo vetëm kalohet mirë në prezencën e kafshëve shtëpiake por edhe sensibilizohen qytetarët e shumtë që vijnë si në aspektin e mbajtjes së tyre por edhe të mbajtjes së tyre në ambientet publike”, thotë Andi Seferi.
Aktivitetet në kopshtin zoologjik do të vijojnë deri në orën 19.00 duke e bërë këtë të dielë, ditën e natyrës.
