Një situatë e rëndë është verifikuar dje në mbrëmje në aksin Siena-Bettolle në Itali si pasojë e një aksidenti dramatik të ndodhur një kilometër pas Casetta-s në drejtim të Sienës.

Në aksident u përfshinë dy vetura dhe një fërgon dhe nga përplasja e tyre humbi jetën një karabinier 43-vjeçar, Giancarlo Alberto Forino, me banim në Asciano dhe me shërbim në Siena. Pati gjashtë të plagosur me dëmtime të lehta (dy italianë, dy shqiptarë, një kosovar dhe një rumun), të cilët e lanë spitalin sot në mëngjes me prognoza nga 7 deri në 10 ditë.

Në vendngjarje për t’i dhënë ndihmën e parë të aksidentuarve ndërhyri një patrullë e karabinierëve, përveç zjarrfikësve dhe ambulancës.

[gallery]24934[/gallery]

s.k/Shqiptarja.com