FOTOT/ Kopshti Zoologjik korr sukses që në ditën e parë, familjet e Tiranës dynden për ta parë

Qindra fëmijë të shoqëruar me prindërit e tyre apo gjyshërit dhe gjyshet kishin mbushur Kopshtin e ri Zoologjik të Tiranës. Pas disa vitesh pritje, Tirana Zoo Park hapi sot zyrtarisht dyert për vizitorët e vegjël.  Krahas shëtitjeve në rrugicat e Kopshtit për t’u njohur me botën e kafshëve dhe shpendëve të egër, fëmijët patën mundësi që të shijojnë dhe animime të ndryshme dhe të ndjekin orë edukative nga specialistët. 

Kopshti Zoologjik i Tiranës iu nënshtrua transformimit të plotë të tij. Nga një hapësirë e harruar, Bashkia e Tiranës e rikonceptoi atë, duke iu përshtatur kërkesave të ndryshme të vizitorëve që e frekuentojnë dhe kafshëve që jetojnë aty. Kopshti ofron hapësira për shërbime dhe mjedise të nevojshme për vizitorët, ambiente rekreative ku mbizotërojnë hapësirat e gjelbra, si dhe këndet e lojërave për fëmijë, por nuk mungojnë as mjediset edukative për studentët dhe nxënësit që studiojnë veçanërisht botën e kafshëve.

A.M./B.K./Shqiptarja.com

TAG:
• Tirane
• kopshti zoologjik