FRANCE- Në qytetin e Montpelier në Francë pritet të ndërtohet një pallat në formë peme. Ndërtesa 17 katëshe quhet "Pema e Bardhë" dhe do të ketë 120 hyrje banimi. Ashtu siç tregon dhe emri i saj, pallati do të ketë formën e pemës, me shkallë dhe ballkone të shumta. Me një gjatësi prej 56 metrash, ndërtesa do të ketë edhe barë, restorante e galeri arti.


Gjatë muajit mars të këtij viti u lajmërua se "Pema e Bardhë" do të ndërtohet nga arkitektë japonezë. Ndërtesa pritet të ndërtohet në bazë të kulturës franceze dhe asaj japoneze duke qenë e vaçantë në llojin e saj. Siç mund të shihet edhe në foto, banorët e saj do të përfitojnë një panoramë të rrallë me malet dhe oqeanin aty pranë.


Ndërtimi i "Pemës së Bardhë" pritet të fillojë në korrik të vitit 2015 dhe do të mbarojë në dhjetor të 2017-ës.

ndertesa pema e bardhe
 Foto të tjera

Redaksia Online
(o.b/shqiptarja.com)