Franca lë pezull procesin e vizave për Kosovën, Basha: Penalizimi i qytetarëve të Kosovës s'është rruga e duhur! Europa të mos mbyllë sytë përballë Serbisë

Kryetari i Partisë Demokratike, Lulzim Basha ka reaguar pas deklaratave të Presidentit Emanuel Macron në Tiranë i cili tha se çështja e liberalizimit të vizave për Kosovën mbetet pezull nga ana e Francës, duke e lënë të hapur çështjen pasi sipas tij nuk ka mbajtur premtimet për dialog me Serbinë. Për Bashën penalizimi i qytetarëve të Kosovës nuk është rruga e duhur për të sjellë palët në dialog.

"Penalizimi i qytetarëve të Kosovës nuk është rruga e duhur për të sjellë palët në dialog e as për ti dhënë zgjidhje mosmarrëveshjeve mes Kosovës e Serbisë. Europa nuk mund të vazhdojë të sillet sikur asgjë nuk ka ndodhur me 24 shtator dhe as të mbyllë sytë përballë përgjegjësisë së Serbisë, presidenti i të cilës sfidon hapur, duke refuzuar sanksionet ndaj Rusisë dhe duke u shfaqur në krah të Vladimir Putin.

LEXO EDHE:
Kosovë/ Sekuestrohet tjetër arsenal armësh në veri, Sveçla: Janë të grupeve kriminale që sulmuan në Banjskë! Ndalohet ish-zyrtari i policisë

Skenarët për destabilizimin e gjithë rajonit janë para syve të çdokujt, ndaj është i domosdoshëmi angazhim maksimal Euro-Atlantik në dialogun Kosovë-Serbi, për zbatimin e planit Franko-Gjerman dhe përmbylljen me një marreveshje që ka në qendër njohjen reciproke. Si kontribut për paqen dhe stabilitetin në Ballkan dhe Europë tani është koha që 4 vendet e mbetura të NATO-s ti hapin rrugë anëtarësimit të Kosovës në Aleancë duke nisur me përfshirjen në Partneritetin për Paqe", tha Basha.

Lajmi kryesor:

Macron për Report Tv: Franca lë pezull procesin e liberalizimit të vizave për Kosovën, Serbia të dënojë sulmin në Banjskë! Rama: Skandal shpallja e zisë nga Beogradi

B.K/Shqiptarja.com

TAG:
• macron ne tirane
• vritet polici ne kosove
• tensione ne veri te kosoves