Franca planifikon masa të reja anti-COVID

Franca planifikon masa të reja anti-COVID

Foto ilustruese

Qeveria e Francës do të bëjë të ditur masat e reja kundër COVID-19 më 25 nëntor pasi numrat e infeksioneve janë rritur në të gjithë vendin. Zëdhënësi i qeverisë, Gabriel Attal tha se po planifikon të shmangë kufizime të mëdha në jetën publike, duke preferuar që të forcojnë rregullat për distancim social dhe shpejtim të fushatës për vaksinim me dozën e tretë kundër koronavirusit.

Qeveria, sipas Attal, do të shtrëngojë po ashtu rregullat për pasportë të shëndetit. Pandemia në këtë vend është paraparë të përkeqësohet në ditët në vazhdim pasi numri i infeksioneve në 100 mijë persona brenda javës, parashihet të arrijë mbi 200 mijë në një apo dy ditët e ardhshme.

“Duhet të mbrojmë francezët duke ndërtuar mbi atë që kemi, për të shpëtuar festimet e fundvitit dhe të kalojmë dimrin sa më mirë që është e mundshme”, tha Attal në një konferencë për media.

Pasaporta e shëndetit në Francë mundëson hyrjen në kafene, restorant, muze, kinema dhe vende të tjera publike për persona që janë të vaksinuar ose kanë një test negativ për COVID-19.

Sipas Presidentit të Francës, Emmanuel Macron, kjo pasaportë është një nga arsyet kryesore pse Franca gjendet në një pozitë më të mirë sa i përket pandemisë në krahasim me shtetet fqinje.

Attal nuk deshi të komentojë se çfarë masa mund të lajmërohen nga Ministri i Shëndetësisë, Olivier Veran, të enjten. Por qeveria pritet që të respektojë këshillën e rregullatorit të shëndetësisë që thotë se një dozë e tretë e vaksinës duhet të merret nga të gjithë personat mbi moshën 40 vjeçare.

“Derisa po shohim një rritje të presionit në spitale në javët në vazhdim, ne mendojmë se mund të parandalojmë përmbytjen nëse vazhdojmë të rrisim numrin e vaksinimeve, të mbajmë distancë sociale dhe të përdorim pasaportën e shëndetit”, shtoi Attal.

Deri më tani, doza e tretë e vaksinës është në dispozicion vetëm për personat më të vjetër se 65 vjet si dhe personat në rrezik. Por, nga 1 dhjetori, doza e tretë do të vihet në dispozicion për moshat nga 50 deri në 64 vjeç. Personat mbi 65 vjeç do të duhet të paraqesin dëshmi për vaksinim me dozën e tretë në mënyrë që pasaporta e tyre e shëndetit të vazhdojë të jetë e vlefshme.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Durrah City', Qeveria akordon 900 mijë euro për akademinë e futbollit

'Durrah City', Qeveria akordon 900 mijë euro për akademinë e futbollit