POP 5

Lajmet më të lexuara të 5 minutave të fundit

Bota

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

Presidenti francez Emmanuel Macron bëri thirrje për guxim dhe stabilitet në mbledhjen e parë të Këshillit të Ministrave të qeverisë së re, të drejtuar nga François Bayrou.

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

Kabineti i ri qeveritar

Presidenti francez Emmanuel Macron bëri thirrje për guxim dhe stabilitet në mbledhjen e parë të Këshillit të Ministrave të qeverisë së re, të drejtuar nga François Bayrou.

Tradicionalisht, ministrat filluan ditën me një mëngjes në Ministrinë e Brendshme, përpara se të zhvendoseshin në Pallatin Elysee për takimin zyrtar me presidentin.

Duke iu referuar krizës politike që solli këtë ndryshim në qeveri, zëdhënësja e qeverisë, Sophie Primas, deklaroi se “kjo qeveri ka lindur në trazirat e një krize të madhe politike,” duke përmendur mocionin e censurës, humbjen e mazhorancës dhe rritjen e ekstremeve. Ajo i ftoi të gjithë të tregojnë përgjegjshmëri dhe fleksibilitet për të tejkaluar pengesat.

Prioritetet e qeverisë së re

Miratimi i buxhetit të vitit 2025 mbetet në qendër të axhendës qeveritare. Për të respektuar rregullat e BE-së për disiplinën buxhetore, Franca synon të ulë deficitin publik nga 6.1% e PBB-së në vitin 2024 në 5.4% në 2025, duke lënë pas objektivin më ambicioz prej 5% të vendosur nga ish-kryeministri Michel Barnier.

Një tjetër çështje urgjente është miratimi i ndihmës për Mayotte, e cila u shkatërrua nga cikloni Chido. François Bayrou ka premtuar veprime konkrete për të adresuar situatën.

Bayrou u emërua kryeministër më 13 dhjetor 2024, pas rrëzimit të qeverisë së Michel Barnier me një mocion censure në Asamblenë Kombëtare. Përbërja e kabinetit të tij u shpall më 23 dhjetor 2024, duke shënuar fillimin e një periudhe të re politike për Francën.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Blinken vizitë në Korenë e Jugut, në mes të krizës politike në vendin aleat

Blinken vizitë në Korenë e Jugut, në mes të krizës politike në vendin aleat

5 Janar, 22:10