Trajneri i Ajaxit, Frank de Boer ka insistuar se nuk ka ndërmend të largohet nga klubi edhe nëse kërkohet nga Liverpooli të marrë drejtimin e skuadrës nga Anfield Road. De Boer spekulohet të jetë një prej kandidatëve për pankinën e gjigantit anglez.
Por, ai ka theksuar se do të mbetet te Ajax. “Do të ishte shembull i keq të largohem tani. Dua të kthej Ajaxin në nivelin që ka qenë dikur”, deklaroi De Boer i cili në sezonin e fundit me Ajaxin fitoi titullin e kampionit në Eredivisie.
Pronarët e Fenway Sports Group që administrojnë Liverpool, u rikthyen te trajneri holandez, pasi më parë u refuzuan nga trajneri i Swansea, Brendan Rodgers. Kandidatë të tjerë janë edhe Fabio Capello dhe trajneri i Wigan, Roberto Martinez.(rb/shqiptarja.com)