POP 5

Lajmet më të lexuara të 5 minutave të fundit

Kronikë

Fredi Beleri kërkon lirinë për të tretën herë në Gjykatën e Lartë

Alfred Beleri, kryebashkiaku i zgjedhur i Himarës, i arrestuar për shit-blerje të votave në procesin zgjedhor të 14 majit ka kërkuar për herë të tretë në Gjykatën e Lartë heqjen e masës së sigurisë arrest në burg

Fredi Beleri kërkon lirinë për të tretën herë në Gjykatën e Lartë

Fredi Beleri

Alfred Beleri, kryebashkiaku i zgjedhur i Himarës, i arrestuar për shit-blerje të votave në procesin zgjedhor të 14 majit ka kërkuar për herë të tretë në Gjykatën e Lartë heqjen e masës së sigurisë arrest në burg.

Më herët, Gjykata e Lartë ka refuzuar dy kërkesa të Belerit për ndryshim të masës së sigurisë duke mos i krijuar mundësi Alfred Belerit të betohet para Këshillit Bashkiak dhe të marrë detyrën e kryebashkiakut.

Aktualisht, Beleri po gjykohet në Gjykatën e Posaçme për akuzën e “korrupsionit në zgjedhje” dhe procesi ndodhet në fazën e pyetjes së dëshmitarëve të prokurorisë. 

Ai u arrestua në ambientet e një lokali në Himarë, vetëm 2 ditë para zgjedhjeve lokale të 14 majit 2023, pasi u kap në flagrancë bashkë më bashkëpunëtorin e tij Pandeli Kokaveshi duke blerë vota. Beleri nuk ka mundur të marrë detyrën, pasi autoritetet gjyqësore nuk i dhanë leje për të kryer betimin. Për çështjet e tij është angazhuar edhe qeveria greke e cila e quan arrestimit e tij të paligjshëm e politik dhe kërkon lirimin për të kryer betimin.

Pas arrestimit më 12 maj për blerjen e tetë votave me 40 mijë lekë të reja, Beleri ka kërkuar të paktën 5 herë heqjen e kësaj mase në shkallën e parë dhe në apel, por gjykatat kanë refuzuar.

B.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Klaus: 13/11/2023 09:43

    Do marre te njejtin trangull si 2 heret e para.

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Sali Berisha: Do heqim mesataren për pranimin në universitete! Studentët do marrin 200 euro çdo muaj

Sali Berisha: Do heqim mesataren për pranimin në universitete! Studentët do marrin 200 euro çdo muaj

17 Dhjetor, 22:51