Ish-kryebashkiaku i dënuar i Himarës, Fredi Beleri, i liruar me kusht për pjesën e mbetur më 2 Shtator, ka rrëfyer 16 muajt e tij në paraburgim, teksa GJKKO në dy shkallë e gjeti fajtor për korrupsion zgjedhor duke e arrestuar më 12 Maj 2023, dy ditë para zgjedhjeve lokale.
Në një intervistë për emisionin “Pa Censurë” në RTSH, Fredi Beleri, aktualisht eurodeputet i Greqisë për partinë “Demokracia e Re”, tregon se si zuri miqësi të reja gjatë qëndrimit në izolim, edhe pse mes tyre kishte nga ata në parim kundërshtarë politikë, apo ish-bashkëpunëtorë të kryeministrit Edi Rama.
“Në sektorin ku isha, edhe në Durrës, edhe në Fier, ndodheshin të ndaluar, subjekte të SPAK, persona politikë dhe publikë, që, në fillim u është bërë gjyqi në media dhe në publik, pastaj del SPAK dhe e certifikon gjykata. Kam qenë në burg me zotin Lefter Koka, Safet Gjici, Alqi Bllako, drejtorët e bashkisë Tiranë, kryebashkiakun e Bulqizës, të Fushë Arrëzit”, tregon ai.
Teksa më tej shton se më parë nuk kishte pasur njohje me ta dhe se zuri miqësi të reja.
“Nuk njihja askënd nga këta më parë, por u miqësuam, pasi ndanim të njëjtin ambient. Kam një falenderim për të gjithë, pasi më kanë respektuar dhe më kanë pritur në mënyrën më të mirë”, thotë Beleri.
Madje ai tregoi edhe për debatet politike që bëheshin në burg mes tij dhe socialistëve të arrestuar.
“Kishim shpesh edhe debate politike. Secili mbronte idetë e veta. Kishte nga ata që e mbronin PS, kishte nga ata që nuk e mbronin, por ata nuk fajësonin PS pse ishin arrestuar. Problemi i tyre ishte padrejtësia që vinte nga mungesa e procedurave ligjore, nga mosrespektimi i shtetit ligjor që e ka burimin nga SPAK-u”, u shpreh Beleri, i cili përgënjeshtroi edhe një lajm të përhapur disa javë më parë, se ai i kishte shpëtuar jetën një ish- kryebashkiaku në burg.
Teksa pyetet edhe për zgjedhjen si eurodeputet i Greqisë, ai nënvizon se ka falënderim edhe për kryeministrin Edi Rama, që gjatë procesit e akuzoi si autorin e arrestimit dhe dënimit të tij.
“Po të mos ishte Edi Rama, nuk do të isha bërë kurrë deputet në Parlamentin Europian. Po të mos kishte urdhëruar arrestimin tim, po të mos kishte urdhëruar drejtësinë të shkelë ligjin me të dyja këmbët, unë do te isha një kryetar bashkie me probleme shumë të mëdha. Unë s’kisha shkopin magjik, do të konsumohesha për dy vjet dhe gjysmën e atyre që më duartrokasin sot, do të ishin të pakënaqur.
Megjithatë, do të preferoja të isha kryetar i Bashkisë Himarë dhe e kam synim prapë, nëse zgjidh në kohë çështjen në Gjykatën e Strasburgut”, tha Fredi Beleri.
Ish-kryebashkiaku i Himarës u dënua me 2 vite burgim, nga të cilat i kishin mbetur më pak se dy muaj dhe që Gjykata e Fierit ia konvertoi me kusht, duke e liruar para kohe. Beleri tha se do e vijojë betejën e tij për drejtësi deri në Strasburg dhe se do përfshihet në politikën shqiptare.
Komente
Lajme të tjera
-
Po transportonte 5 emigrantë të paligjshëm, arrestohet në flagrancë 24-vjeçari në Vlorë
20 Nëntor, 14:00 -
GJKKO kalon për gjykim dosjen e Jorgo Goros për tjetërsimin e 10 mijë metra katror tokë! Ish kryebashkiaku i Himarës kërkon gjykim të shkurtuar
15 Nëntor, 10:56
-
Inceneratori i Elbasanit/ Apeli i GJKKO ashpërson dënimin me burg për ish-ministrin Lefter Koka, dënohet dhe Alqi Bllako, prishet pafajësia! Shtohet akuza për shpërdorim detyre (VENDIMI)
8 Nëntor, 15:11
-
Ish-deputeti i PS, Alqi Bllako i pandehur edhe për Inceneratorin e Tiranës, SPAK e akuzon për korrupsion në dy raste
8 Nëntor, 10:14
-
Rama në Selanik/ Elezi: E përdor nacionalizmin si mjet për votën e diasporës! Bala: Oksigjeni i Greqisë për pretendimet në Shqipëri është opozita
5 Nëntor, 17:24 -
‘Studio Live’, vizita e Ramës në Selanik, Llalla: Vorio-Epiri jo term i vdekur, Greqia ka ende aktiv Ligjin e Luftës! Beleri dhe Dule kërkojnë ngritjen e statujës së ‘motrës epiriote’ në Athinë
4 Nëntor, 19:32 -
Pas takimit me shqiptarët në Selanik, Rama për mediat greke: Keqinformim për pronat në Himarë! Keqardhje për zhurmën 'Beleri'! Asnjë problem për të forcuar marrëdhëniet me Greqinë
4 Nëntor, 15:18 -
Dritan Hila: Mësimi që na dha Fred Beleri!
1 Nëntor, 11:58
-
Censi 2023/ Tirana ka 598,176 banorë, rritet ndjeshëm popullsia në bashkitë me minoritet grek
1 Nëntor, 10:18 -
Ylli Pata: Shuplaka e europarlamentarëve ndaj Gazment Bardhit, kur BE flet shqip
30 Tetor, 21:16
-
Himarën e fitoi duke bërë fushatë me PD në gjuhën shqipe, por në takimin e eurodeputetëve Beleri vë kufje për të dëgjuar Ina Zhupën me përkthim! Ka harruar gjuhën?
30 Tetor, 18:36 -
Zbardhen Amendamentet që PS-ja i pranoi Fredi Belerit! Të parat u aprovuan, 3 të fundit u riformuluan me bashkëdakordësi, por PD refuzoi
30 Tetor, 15:48
Beleri na e tregon burgun si aventure,vajta ketu e aty,pashe kete e ate,u njoha me X e Y,bisedova per kete e ate,pra pak a shume si Cezari:/erdha,pashe,pushtova/,megjithese vetem burg ishte edhe pse dhe aty eshte krijuar /kasta e bllokmeneve te burgut/! Paske zbuluar boten o Beler!!
PërgjigjuPlease, mos na e nxirrni më këtë plehrë. Nuk duam ti dëgjojmë as zërin e as ti shohim surratin. Le të zhduket andej nga u votua dhe mos u ktheftë më kurrë.
PërgjigjuTani u bone i kuptushēm, bravo.
PërgjigjuO Fred Beleri pse smore dhe Rexhep Lekėn [ KEPI ] eurodeputet se Rexhepi do tē ndimonte nē pērkthim se flet 8 gjuh tē huaja. O mor Fred kaçori i gjori.
PërgjigjuPo pse nuk ndenje dhe ca o Fredo se kishe bo dhe ca miq tjere, se nga Greqia e dere te Gici e djeg.
Përgjigju