POP 5

Lajmet më të lexuara të 5 minutave të fundit

Kronikë

Efektet e reformës në drejtësi/ Raporti i Hadarmatajt për Markun: Prokurorët neglizhuan hetimet!

Hetimet në prokurorinë e krimeve të rënda përgjatë vitit 2017 janë zvarritur dhe neglizhuar nga prokurorët. Është ky konstatimi i kreut të këtij institucioni Besim Hajdarmataj, i cili i ka dorëzuar kryeprokurores Arta Marku bilancin e punës.

Prokurorët e krimeve të rënda kanë neglizhuar hetimet përgjatë vitit 2017 për shkak të nisjes së zbatimit të reformës në drejtësi.

Këtë konstatim e ka bërë kreu i kësaj prokuroria Besim Hajdarmataj, ku në raportin e dorëzuar kryeprokurores Arta Marku ai shprehet se “Megjithëse e pajustifikuar tek secili prokuror dhe oficer i policisë gjyqësore, mund të them se janë evidentuar luhatje të angazhimit dhe vullnetit në punë si rezultat i ndryshime kushtetuese dhe ligjeve paketë të reformës në drejtësi, ku parashikohet dhe ndryshimi i funksionimit të Prokurorisë Për Krime të Rënda.

(Klikoni) për Raportin e Plotë të Prokurorisë së Krimeve të Rënda

Më tej sipas Hajdarmatajt “pritja për implementimin përfundimtar ka ndikuar në lidhje me pasigurinë e përfshirjes në të ardhmen në struktura të prokurorëve dhe policisë gjyqësore, një ndikim i cili ka ulur vullnetin dhe efiçencën në shpejtësinë e hetimeve”.

Pjesë nga raporti i Hajdarmataj për Markun, ku përmendet neglizhenca e Prokurorëve

Në raportin e siguruar nga ReportTv një tjetër arsye e zvarritjes së hetimeve dhe neglizhencës në kryerjen e këtyre hetimeve është edhe lëvizja e shpeshtë e oficerëve të policisë gjyqësore çka shpesh herë ka sjellë dhe pamundësi për zbardhjen e përgjimeve të cilat do të ndihmonin në luftën ndaj kriminalitetit.

Hajdarmataj bën përgjegjës edhe klasën politike për rezultatet e hetimeve, pasi sipas tij akuzat se të gjithë janë të korruptuar ka demotivuar prokurorët.

“Imazhi i përfolur gjatë gjithë kohës nga faktori politik, duke e cilësuar sistemin si të korruptuar dhe mosfunksional në tërësi ka dhënë efektet e veta negative në demotivimin në punë të prokurorëve dhe oficerëve të policisë gjyqësore”.

Prej disa muajsh Prokuroria e Krimeve të Rënda ka marrë kompetencat e Prokurorisë Speciale Antikorrupsion, ndërsa deri në këto momente nga ky institucion asnjë prokuror nuk ka kaluar në sitën e Vettingut.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fredi: 21/04/2018 14:17

    Nuk e njoh kete Hajdarmatajn por mendoj se ky ka vetem dy rruge. Ose te provoje fajesine e Tahirit dhe ta plasi ne burg sic e meriton, ose te shkoje vete ne burg. Rruge te mesme nuk ka. Prokuroret jane te corientuar po ashtu dhe gjyqtaret.

    Përgjigju
  • Shqiptari: 21/04/2018 12:58

    Nuk e kuptoj se si mund te demotivohet nje i ndershem sepse jane frikesuar nje tufe te pandershem. Zoteri ai qe nuk mund ti justifikoje pronat e pasurine qe disponon, nuk demotivohet nga presioni politik por nga halli, dhe nga zhgenjimi pse nuk po i ndihmon kjo politike. Mesa po shohim si po funksionon vetting, procesi eshte shume transparent, dhe askujt nuk i kane ngarkuar pasuri qe nuk i kane, po vec ato qe kane, nuk i kane deklaruar apo harruar, ato qe miljona qe ja kane falur komshinjte etj.

    Përgjigju
    • Tori: 09/05/2018 16:42

      Lëvizja e Hajdarmatës eshte ber vetëm për binomin Sali Berisha & Izet Haxhia. Kuptohet.

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu