Receta

Frikase me mish nga Zonja Vjollca

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00.

Redaksia 21 Prill 2020, 10:07 | Përditesimi: 21 Prill 2020, 12:24

Frikase me mish

Përbërësit:

600 gr mish qingji ose viçi

LEXO EDHE:
Mish me xhinxhër dhe salcë soje nga Doreada Mio

2 lugë gjelle miell

2 të verdha veze

1 gotë kos

Kripë dhe piper i zi

2 lugë gjelle vaj ulliri

2 lugë gjelle gjalp

Majdanoz ose koper

1 qepë, 1 degë selino, 1 gjethe dafinë

Përgatitja: Vendosim në një tenxhere një qepë të prerë në gjysmë, 1 gjethe dafinë dhe 1 degë selino. E lëmë ujin të marrë valë dhe shtojmë copat e mishit. (Por mund ta bëni pa qepë e selino, varet nga shijet tuaja).

Pasi mishi të ketë marrë valë, pas 10-15 minutash, shtojmë kripë dhe e lëmë sërish mishin të ziejë, derisa të shkëputet nga kocka.

Ndërkohë shkrijmë gjalpin, hedhim pak vaj ulliri dhe kaurdisim në të 2 lugë gjelle miell. E kaurdisim sa të marrë ngjyrë dhe e shuajmë me lëngun e mishit. Duke e trazuar vazhdimisht, e lëmë të marrë valë për 5 minuta. Trazojmë kosin me vezët sa të na formohet një masë e lidhur. Fikim temperaturën e zjarrit dhe shtojmë kosin me vezët duke e përzierë ngadalë. E lëmë sa të fluskojë një valë e lehtë, i vendosim kapakun dhe e lëmë të pushojë me temperaturën e vet. Më pas e servirim me pak majdanoz dhe koper, sipas preferencave tuaja.