VIDEO/ Frikë në Udinese - Roma, Ndicka ndjen dhimbje në gjoks dhe rrëzohet në fushë! Shtyhet ndeshja

VIDEO/ Frikë në Udinese - Roma, Ndicka ndjen dhimbje në gjoks dhe rrëzohet në fushë! Shtyhet ndeshja

Evan Ndicka del me barelë

UDINE, Itali - Frikë për Evan Ndicka. Qendërmbrojtësi i Romës në Serie A, në minutën e 69-të të ndeshjes ndaj Udineses, preku dy herë gjoksin dhe më pas u rrëzua përtokë. Arbitri Pairetto ndërpreu menjëherë lojën, duke lejuar kështu mjekët dhe barelën të futeshin në fushë.

Mbrojtësi 24-vjeçar nga Bregu i Fildishtë ishte me topin larg tij kur ndjeu dhimbje në gjoks dhe u ndihmua menjëherë nga shokët e skuadrës, me Svilar që tërhoqi vëmendjen e arbitrit.

Në fushë ka ndërhyrë edhe stafi mjekësor me defibrilator, ku lojtari është larguar me barelë duke tundur dorën. I ndërgjegjshëm, ai u transportua në dhomat e zhveshjes aty ku edhe Daniele De Rossi nxitoi për të kontrolluar gjendjen e tij.

Në një atmosferë të tensionuar, arbitri Pairetto vendosi të pezullojë përfundimisht ndeshjen në minutën e 77-të. Në Udine, ndeshja ndërmjet Udineses dhe Romës nuk do të vazhdojë, sepse lojtarët në fushë ishin shumë të frikësuar nga ajo që i ndodhi Ndickës.

De Rossi, i kthyer në fushë nga dhomat e zhveshjes, bëri të ditur se lojtari ishte i vetëdijshëm, por shokët e skuadrës nuk kishin dëshirë të vazhdonin. Pairetto, pas një mbledhje me kapitenët dhe lojtarët e tjerë në fushë, më pas vendosi të pezullojë përfundimisht ndeshjen në minutën e 72-të. Ndeshja, e cila do të duhet të rikuperohet, do të rifillojë 1-1 me 18 minuta lojë të mbetura, pa shtesën.

Evan Ndicka

Klubi i Romë në një reagim thotë se pas kontrolleve fillestare, lojtari u transportua në spital. Në fakt, elektrokardiogrami ngriti disa dyshime për mundësinë e problemeve me zemrën, duke bërë që stafi mjekësor ta transferonte urgjentisht në spitalin 'Santa Maria della Misericordia' në Udine me kodin e verdhë. Skuadra dhe trajneri De Rossi vendosën të shkojnë në spital për të treguar mbështetjen e tyre për Ndickën dhe më pas ata do të kthehen në Romë me një fluturim çarter.

 

 

 

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni turin e Ramës me diasporën?



×

Lajmi i fundit

E rëndë në Tiranë, 28-vjeçari bie teksa po punonte në një pallat në ndërtim, humb jetën

E rëndë në Tiranë, 28-vjeçari bie teksa po punonte në një pallat në ndërtim, humb jetën