POP 5

Lajmet më të lexuara të 5 minutave të fundit

Kultura

Frymëzuese! 8-vjeçarja me spektrin e aftësi të veçanta hap ekspozitë me 50 piktura në Kukës! Piktori: Emocionin e hedh në telajo

Sot do t’ju njohim me Retinën, vajzën nga Kukësi e cila ka pasion pikturën dhe ka çelur një ekspozitë me 50 piktura. Vogëlushja me aftësi të veçanta është një inspirim për bashkëmoshatarët e saj.

Duart e tre motrave në tablo janë pjesë e një koleksioni me 50 piktura, të ekspozuara në hollin e Pallatit të Kulturës në Kukës. Retina Cengu, artistja e vogël me aftësi ndryshe prezantohet para publikut me një ekspozitë personale. Për talentin e 8-vjeçes flet piktori profesionist Muhamet Kërpaçi.

“Jam i impresionuar nga pikturat e saj. Retina atë emocion që ka e hedh shpejt në telajo. Besoj se në ardhme do të jetë piktore e njohur”, u shpreh ai.

Natyra dhe lulet e pranverës janë lajtmotiv i punës së mrekullueshme të Retinës.

Ajo, sapo ka mbaruar klasën e dytë në shkollën 9 vjeçare të fshatit të lindjes, Kodër Lumë. Mësuesja ndihmëse Alketa Cenaj, thotë se Tina siç e thërrasin në klasë, është një vajzë e ndjeshme e qetë dhe emocionet i shpreh përmes penelit.

“Ka një botëkuptim të madh dhe talent të rrallë”, tha ajo.

Piktorja e vogël ka një lidhje të veçantë prindërit që e mbështesin në çdo hap dhe synojnë që Retina të çelë ekspozitën e radhës në Tiranë.  

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rubeni: 13/06/2023 17:23

    Bravo ???? yll i vogel! Me teper mbeshtetje nga te gjithe per keta femije! Zoti te ndihmofte ne cdo hap te jetes!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Mos ngurroni të bëni hapin e parë... Çfarë parashikojnë yjet për ju sot

Mos ngurroni të bëni hapin e parë... Çfarë parashikojnë yjet për ju sot

26 Dhjetor, 07:50