Fshehën armën e ekzekutimit të 'Rramanit' në Elbasan, babë e bir kyçen në qeli

Emiljano Ramazani

Gjykata e Elbasanit ka caktuar masën arrest me burg për babë e bir, Albert dhe Seit Mananhasa, të cilëve iu gjet arma e krimit që vrau Emiljano Ramazanin, në servisin e tyre të makinave. Seanca e cila nisi në orën 11:30, u drejtuar nga gjyqtari Bujar Musta, i cili për 4 orë ka dëgjuar pretencën e prokurorisë dhe palën e akuzuar duke vendosur ndaj tyre arrest me burg.

Arrestimi i babë e bir ndodhi para 3 ditësh gjatë një operacioni të RENEAS dhe FNSH në Elbasan, në lidhje me ngjarjen e ekzekutimit me 5 plumba të Ramazanit brenda makinës së tij më datë 20 korrik.

Gjatë kontrollit në biznesin e tyre iu gjet arma e krimit, një pistoletë model 54 TT, me një krehër dhe një fishek luftarak, e fshehur poshtë sabratorit të një makine.

Vrasja e Emiljano Ramazanit, i njohur me nofkën 'Rramani', dyshohet se ka ndodhur për larje hesapesh për drogën , pasi ai njihej si shpërndarës kokainë në qytet, ndërsa një natë më parë u gjet i vrarë edhe miku i tij i ngushtë Regis Runaj, 23 vjeç, i vrarë me thikë, trupi të cilit u gjet i hedhur në rrugë.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Grupimi Berishës koalicion me LSI për zgjedhjet e 6 marsit. Mendoni se ky vendim do u sjellë:



×

Lajmi i fundit

John

Papa Françesku paralajmëron mbi rrezikun e ‘infodemisë’