ITALI- Një 20-vjeçar shqiptar ka rënë në prangat e policisë italiane pasi iu kapën 21 gramë kokainë. Mediat vendase raportojnë se 20-vjeçari e kishte fshehur kokainën në çorape. Shqiptarit iu zbulua droga pas një kontrolli të policisë italianë në shtëpinë e 20-vjeçarit.
Sipas raportimeve të mediave, ai kishte mbërritur në Pesaro të Italisë pak muaj më parë. Përmes hetimeve, autoritetet kanë zbuluar se 20-vjeçari ishte regjistruar si azil kërkues.
Që prej mbërritjes në Itali, dyshohet se 20-vjeçari kishte nisur të merrej me trafikun e drogës, ku shpërndante kokainë. 20-vjeçarit i janë sekuestruar edhe para, të cilat i kishte përfituar nga shitja e drogës, por shuma ende nuk bëhet me dije.