Fshehu pasurinë, Apeli i GJKKO lë në fuqi dënimin me 6 muaj burg për ish-kreun e Kushtetueses, Bashkim Dedja

Fshehu pasurinë, Apeli i GJKKO lë në fuqi dënimin me 6 muaj burg për ish-kreun e Kushtetueses, Bashkim Dedja

Bashkim Dedja

TIRANË- Apeli i Posaçëm ka lënë në fuqi vendimin për dënimin e ish-kreut të Kushtetueses, Bashkim Dedaj me 6 muaj burg për fshehje pasurie. Ditën e sotme, Apeli i GJKKO rrëzoi ankimin e Dedjas duke lënë kështu në fuqi dënimin, i cili i konvertohet me 1 vit shërbim prove.

Bashkim Dedja është i pari nga ish-gjyqtarët dhe ish-prokurorët e shkarkuar nga vettingu që u dënua nga GJKKO, pasi u shpall fajtor se ka kryer deklarim të rremë të një apartamenti me sipërfaqe 146 m katror në Tiranë, për blerjen e të cilit kishte deklaruar se kishte lidhur një hua 10 mijë euro dhe 15 mijë euro të marrë nga kunati i tij, por sipas SPAK, ky i fundit nuk e justifikonte shumën e dhënë.

Po ashtu, Dedja ka fshehur në deklarimin e tij edhe një apartament me sipërfaqe 60 m2, i ndodhur në zonën Kryemedhenj, të Kavajës. Dedja ka pasur probleme me deklarimin edhe të apartamenti 98 m2 në Tiranë, pasi në deklaratën e vitit 2003 ka dhënë vlerën 1.7 milionë lekë, ndërkohë që vlera sipas kontratës e apartamentit është 1.8 milionë lekë. 

Hetimet ndaj Dedjas u nisën nga SPAK në maj të vitit 2020, pas dyshimeve se kishte në pronësi pasuri të paluajtshme që nuk i justifikonte me burime të ligjshme. Ai është dënuar për veprën penale “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rama: 13/02/2024 13:09

    6 muaj u kputet myth....ku e gjeti pasurine,minimumi eshte korrupsion pasiv ne bashkpunim.jo po s ka prova,provat jane leket

    Përgjigju
  • leon: 13/02/2024 11:54

    Keta jane kriminelat e Sali non grates qe e degjeneruan drejtesine.

    Përgjigju
  • Sondazhi i ditës:

    Ilir Meta sulmon kreun e SPAK, si e vlerësoni?



×

Lajmi i fundit

Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale

Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale