POP 5

Lajmet më të lexuara të 5 minutave të fundit

Kronikë

Fshehu pasurinë, Nasip Naço nis
procedurat për shkarkimin e Gjonit

Ministri i Drejtësisë Nasip Naço ka filluar praktikën ligjore për nisjen e procedimit disiplinor ndaj gjyqtarit të Apelit në Tiranë Gjin Gjoni. Kjo lëvizje e Naços, vjen pas një shkresë të mbërritur në zyrën e tij nga kryeinspektori Shkëlqim Ganaj.
Fshehu pasurinë, Nasip Naço nis<br />procedurat për shkarkimin e Gjonit
TIRANE- Ministri i Drejtësisë Nasip Naço ka filluar praktikën ligjore për nisjen e procedimit disiplinor ndaj gjyqtarit të Apelit në Tiranë Gjin Gjoni. Kjo lëvizje e Naços, vjen pas një shkresë të mbërritur në zyrën e tij nga kryeinspektori Shkëlqim Ganaj, i cili e ve në dijeni se gjyqtari Gjoni ka refuzuar të deklarojë pasurinë e tij, duke shkelur rëndë ligjin. Nisur nga kjo situatë, Nasip Naço ka urdhëruar nisjen e verifikimeve për të mësuar rreth fshehjes ose jo të pasurisë nga ana e gjyqtarit të Apelit Gjin Gjoni, njëherësh anëtarit të Këshillit të Lartë të Drejtësisë.

Sipas burimeve të ministrisë së Drejtësisë, verifikimi ka nisur disa ditë më parë dhe se shumë shpejt, ministria do dalë me një konkluzjon përfundimtar, ku nëse faktohet fshehja e pasurisë, atëherë do të kërkohet në KLD procedimi disiplinor për shkarkimin e gjyqtarit Gjin Gjoni. Një skemë e tillë nga ministria e Drejtësisë është përdorur dhe për rastin e bashkëshortëve Ken Dhima dhe Klorinda Çela, për të cilët tashmë ministria ka kërkuar shkarkimin nga detyra.

Pretendimet e Gjonit
Fillimi i procedurave të verifikimit të pasurisë së gjyqtarit Gjin Gjoni, do të sjellë dhe dëgjimin e pretendimeve të gjykatësit Gjoni. Në adresë të këtij të fundit, ministria ka dërguar një letër ku kërkon parashtrimin e pretendimeve lidhur me pasurinë që vetë gjyqtari Gjoni ka krijuar. Ndërkohë mësohet se nga ana e tij Këshilli i Lartë i Drejtësisë, i ka kërkuar ministrisë nisjen e një inspektimi për gjyqtarin Gjin Gjoni, pasi vetë KLD nuk mund të kryejë inspektim për shkak të konfliktit të interesit. Gjoni prej disa kohësh është pjesë e Këshillit të Lartë të Drejtësisë dhe se nuk mund të inspektohet nga KLD.

Sulm mbi KLD
Pas akuzave nga ILDKP ka reaguar gjyqtari Gjin Gjoni dhe bashkëshortja e tij Elona Çaushi. Sipas Gjonit, akuzat janë një fushatë denigruese me qëllime politike. “Akuzat janë fushatë denigruese me qëllime politike dhe janë të montuara me keqdashje në dhoma të errëta. Deri në deklaratën e ILDKP nuk ka asnjë kallëzim penal në Prokurori. Fushata koinçidon jo rastësisht me diskutimin në Kuvend. Është bashkim mekanik i dy deklaratave të hartuara nga unë dhe bashkëshortja”-tha Gjoni.

Nëpërmjet goditjes sime, e cila është inicuar nga një fushatë paraprake e një pjese të shtypit e shkruar dhe atë audiovizive, për një periudhë kohore dy-javore, kërkohet të uzurpohet Këshilli i Lartë i Drejtesisë dhe të atakohet vetë Presidenti i Republikës për të nënshtruar denigruar dhe intimiduar njerëz që kanë shprehur me kurajo dhe me eficencë profesionale dhe me forcë argumentuese realizimin e reformave reale në fushën e drejtësisë”-është shprehur Gjoni.

Redaksia Online
(d.a/shqiptarja.com)
 

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Trafiku i çmendur në Tiranë? Eksperti: Këta rrugë kemi, të disiplinojmë shoferët, gjobat i kemi shumë të lira! Këta ndalojnë për të pirë kafe

Trafiku i çmendur në Tiranë? Eksperti: Këta rrugë kemi, të disiplinojmë shoferët, gjobat i kemi shumë të lira! Këta ndalojnë për të pirë kafe

23 Dhjetor, 14:46