POP 5

Lajmet më të lexuara të 5 minutave të fundit

Sport

FSHF vendos çmime të kripura për
të parë ndeshjen me Danimarkën

Kategoria e Parë dhe Kategoria e Dytë në kampionatin shqiptar të futbollit do të fillojnë aktivitetin këtë fundjavë. Ekipet që nuk kanë shlyer detyrimet financiare, brenda javës duhet të derdhin në FSHF, 50% të shumës.
Kategoria e Parë dhe Kategoria e Dytë në kampionatin shqiptar të futbollit do të fillojnë aktivitetin në këtë fundjavë. Ekipet që nuk kanë shlyer detyrimet financiare, brenda javës duhet të derdhin në FSHF, 50% të detyrimeve që kanë për edicionin 2014-2015, ndërsa duhet të sjellin brenda javës në FSHF, garancinë e policisë për të marrë përsipër mbarëvajtjen e të gjithë aktivitetit. Në të kundërt, duhet të sjellin marrëveshje me një nga stadiumet e tjera, të miratuara nga Policia e Shtetit.
Këto kanë qenë disa nga vendimet që ka marrë Komiteti Ekzekutiv i FSHF, i mbledhur ditën e hënë nën drejtimin e presidentit, Armando Duka për të trajtuar disa nga problemet më të cilat përballet futbolli.
 
Vendimet
 
1. U miratuan çmimet e biletave për ndeshjen Shqipëri – Danimarkë, që do të zhvillohet në “Elbasan Arena” të qytetit të Elbasanit, më 11 tetor.

2. Kategoria e Parë dhe Kategoria e Dytë do të fillojnë aktivitetin në këtë fundjavë. Ekipet që nuk kanë shlyer detyrimet financiare, brenda javës duhet të derdhin në FSHF, 50% të detyrimeve që kanë për edicionin 2014-2015.

3. Për pjesën e mbetur të detyrimeve do të bëjnë një aktmarrëveshje me FSHF për ti likuiduar më 31 dhjetor 2014.

4. Nëse brenda javës, klubet pjesëmarrëse nuk likuidojnë 50 % të detyrimeve, klubet debitore, humbin ndeshjen në tavolinë.

5. Sa i takon infrastrukturës, të gjitha klubet duhet të sjellin brenda javës në FSHF, garancinë e policisë për të marrë përsipër mbarëvajtjen e të gjithë aktivitetit. Në të kundërt, duhet të sjellin marrëveshje me një nga stadiumet e tjera, të miratuara nga Policia e Shtetit. 

6. Në fundjavë fillon kampionati kombëtar U-17 dhe U-19, kategoria e parë. Brenda javës, të gjitha ekipet duhet të shlyejnë detyrimet e sezonit 2014-2015. Nëse nuk i shlyejnë ato, klubet debitore e humbin ndeshjen në tavolinë.

Biletat për Danimarkën
Federata Shqiptare e Futbollit ka publikuar çmimet e biletave për ndeshjen Shqipëri–Danimarkë, e cila do të zhvillohet më 11 Tetor 2014, ora 20.45, në stadiumin e ri “Elbasan Arena”. Shitjet do të fillojnë në datën 5 Tetor dhe do të ketë pika shitjeje në Elbasan dhe në Tiranë.

Çmimet e biletave janë mjaft të kripura duke vijuar nga 1000 lekë deri në 10000 lekë. FSHF njofton se ndryshe nga cdo event tjetër, në prani të pajisjeve moderne që stadiumi i ri do të ofrojë në të gjitha drejtimet, përfshire dhe sistemin e biletave dhe të kontrollit, biletat e prodhuara për këtë ndeshje nga FSHF do të kenë elemente sigurie të nivelit më të lartë, me “barcode” kontroll elektronik, etj. Sistemet e kontrollit në hyrjet e stadiumit do të jenë tërësisht elektronike. 


stadiumi i elbasanit

 

Tribuna A2 + A3

      10,000 leke

Tribuna B3

      10,000 leke

Tribuna B2 + B4

        8,000 leke

Tribuna A1 + A4

        8,000 leke

Tribuna B1 + B5

        6,000 leke

Tribuna E

        3,000 leke

Tribuna D + F

        2,000 leke

Tribuna
G1 + G3 + C1 + C3

        1,500 leke

Tribuna G2 + C2

        1,000 leke



d.b/shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55