POP 5

Lajmet më të lexuara të 5 minutave të fundit

Ekonomi

Fullani: Ekonomia shqiptare
kërcënohet nga rreziqe afatgjata

Guvernatori i Bankës së Shqipërisë, Ardian Fullani, lëshon alarmin, si asnjëherë deri tani, për rreziqet që i kanosen ekonomisë së vendit.
Fullani: Ekonomia shqiptare <br />kërcënohet nga rreziqe afatgjata
TIRANE - Guvernatori i Bankës së Shqipërisë, Ardian Fullani, lëshon alarmin, si asnjëherë deri tani, për rreziqet që i kanosen ekonomisë së vendit. Banka e Shqipërisë paralajmëroi se ngadalësimi i konsumit dhe investimeve private, që po vihen re kohët e fundit në vendin tonë, rrezikojnë ekonominë shqiptare jo vetëm në këtë periudhë të ndikimit të krizës europiane, por në afatgjatë.

“Rreziqet kryesore që kërcënojnë stabilitetin ekonomik të vendit lidhen me rritjen ekonomike. Një sërë sinjalesh që vijnë nga sektori real dhe ai financiar, tregojnë që tkurrja e bilanceve të konsumatorit dhe njëkohësisht ngadalësimi i investimeve të përdorura deri tani nga agjentët ekonomikë privatë, si masa mbrojtëse ndaj krizës mund të kthehen në një dëm të prospektit afatmesëm të rritjes ekonomike. Tendenca e kursimit dhe e shtyrjes së investimeve rrezikon të ndikojë avantazhet konkurruese të ekonomisë dhe potencialin rritës të saj”,- u shpreh guvernatori Fullani në një aktivitet në kuadër të binjakëzimit mes Bankës së Shqipërisë dhe Bankës së Italisë.

"Tendenca e kursimit dhe e shtyrjes së investimeve rrezikon të ndikojë avantazhet konkurruese të ekonomisë dhe potencialin rritës të saj", tha Fullani.
Guvernatori pranoi se tashmë edhe kredia për ekonominë po kërcënohet nga shkaqe, që, sipas tij, nuk lidhen me Shqipërinë, por me krizën ndërkombëtare, duke kërkuar nga bankat të ekzekutojnë hipotekat e lëna peng për kreditë e pashlyera.

"Duhen nxitur bankat të trajtojnë problemin përmes nismave më të vendosura për ekzekutimin e kolateraleve dhe kredive të humbura. Vlerësimi ynë ka qenë dhe mbetet që vetëm në këtë mënyrë krijohen kushtet për njohjen dhe trajtimin më të shpejtë të problemit, duke shmangur shtrirjen e tij në kohë dhe duke zvogëluar pasigurinë në të ardhmen", tha Fullani.

(gk/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Tragjedi në Egjipt, mbytet anija me 45 persona në bord në Detin e Kuq! 31 prej tyre janë turistë, të panjohura shkaqet

Tragjedi në Egjipt, mbytet anija me 45 persona në bord në Detin e Kuq! 31 prej tyre janë turistë, të panjohura shkaqet

25 Nëntor, 12:36