POP 5

Lajmet më të lexuara të 5 minutave të fundit

Ekonomi

Fullani kritikon bankat:
Po na destabilizoni vendin

Në një sulm të pashembullt, guvernatori i Bankës së Shqipërisë, Ardian Fullani, ka kritikuar ashpër politikën e frenimit të dhënies së kredive, të aplikuar kohët e fundit në vendin tonë nga bankat me kapital të huaj.
Fullani kritikon bankat: <br />Po na destabilizoni vendin
VJENE- Në një sulm të pashembullt, guvernatori i Bankës së Shqipërisë, Ardian Fullani, ka kritikuar ashpër politikën e frenimit të dhënies së kredive, të aplikuar kohët e fundit në vendin tonë nga bankat me kapital të huaj.

Gjatë fjalës së tij në konferencën që shënon përvjetorin e 20-të të Joint Vienna Institute, guvernatori deklaroi se kufizimet e vendosura në kreditim janë të padrejta dhe përbëjnë një kërcënim për stabilitetin financiar dhe atë fiskal të vendit.

“Që prej fundit të vitit 2011, krahas presioneve të krizës, po përballemi me një problem të ri, uljen e shpejtë dhe të konsiderueshme të ekspozimit të grupeve të huaja bankare ndaj borxhit privat dhe atij publik. Ky proces nuk u arsyetua mbi gjendjen në Shqipëri, por u imponua në mënyrë të papritur nga jashtë, duke krijuar vështirësi të konsiderueshme për financimin e borxhit publik, si dhe për konsumin privat dhe veprimtaritë e investimit. Të gjitha këto implikime negative mund të cenojnë më tej stabilitetin financiar dhe atë fiskal”, tha ai. “Ne na u desh të mbanim një barrë që duket e padrejtë”, shtoi Fullani.

Guvernatori përmendi shembullin e tërheqjes së bankës “Raiffeisen”, që mbante rekordin e letrave me vlerë të qeverisë shqiptare, nga tregu i bonove të thesarit dhe problemet që kjo shkaktoi në sistemin financiar.

Pa e përmendur direkt me emër këtë bankë, ai deklaroi se “një nga bankat e huaja që operon në Shqipëri e uli ekspozimin ndaj borxhit të qeverisë shqiptare me 3 pikë përqindjeje të PBB-së brenda rreth një periudhe tremujore. Këto veprime shkaktuan zhbalancime në nivelin e likuiditetit në tregun ndërbankar, të cilat nuk mund të zgjidheshin në një kohë të shpejtë për shkak të problemeve strukturore. Këto zhbalancime u shoqëruan me rritje të normës së interesit për letrat me vlerë të borxhit të qeverisë, duke kufizuar mekanizmin e transmetimit të politikës monetare”.

(gk/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Kremlini: Putini gati për bisedime për paqe me Ukrainën

Kremlini: Putini gati për bisedime për paqe me Ukrainën

25 Nëntor, 12:12