POP 5

Lajmet më të lexuara të 5 minutave të fundit

Ekonomi

Fullani kundër Berishës, kërkon
tavan të ri për borxhin publik

Në një dalje të rrallë kundër objektivave të shpallura të qeverisë, guvernatori i Bankës së Shqipërisë deklaroi se Shqipëria duhet të përcaktojë një tavan të ri të borxhit publik, në përputhje me kushtet e reja në të cilët ndodhet ekonomia dhe buxheti. (Foto: Ardian Fullani)
Fullani kundër Berishës, kërkon<br />tavan të ri për borxhin publik
TIRANE- Në një dalje të rrallë kundër objektivave të shpallura të qeverisë, guvernatori i Bankës së Shqipërisë deklaroi se Shqipëria duhet të përcaktojë një tavan të ri të borxhit publik, në përputhje me kushtet e reja në të cilët ndodhet ekonomia dhe buxheti. Duke folur në një konferencë për shtyp, Fullani tha se Banka e Shqipërisë nuk sugjeron një shifër konkrete, por kërkon një objektiv të ri, që të garantojë qëndrueshmëri afatgjatë, por pa masa shtrënguese ekstreme që do t’i merrnin frymën ekonomisë.
Në analizën e Bankës së Shqipërisë, ekonomia ka vijuar me ritme të ulëta të rritjes edhe në pjesën e parë të vitit 2013, hap ky i përcaktuar kryesisht nga kërkesa e dobët konsumatore.

Këshilli Mbikëqyrës i Bankës së Shqipërisë mbajti të pandryshuar normën bazë të interesit në nivelin 3.75%. Ekonomia në rritje të ngadaltë dhe kërkesa e dobët nuk krijon presione të forta inflacioniste, ndaj guvernatori paralajmëroi vijimësinë edhe në muajt e ardhshëm të politikës monetare stimuluese.

Në konferencën për shtyp, Fullani tha se "ecuria e inflacionit vijon të përcaktohet nga çmimet e ushqimeve, kontributi i tyre përbën rreth 90% të inflacionit total. Nga ana tjetër, inflacioni i artikujve ushqimorë është balancuar nga reduktimi i inflacionit të mallrave të konsumit jo-ushqimor. Inflacioni i kësaj kategorie ka reflektuar rënien e çmimit të naftës, si pasojë e reduktimit të çmimit të saj në tregjet botërore", tha ai.

Fullani tha se "kërkesa e huaj do të jetë nxitësi kryesor i rritjes së aktivitetit ekonomik, ndërkohë që në të njëjtin kah, por me intensitet më të ulët, pritet të kontribuojë edhe politika fiskale gjatë vitit në vazhdim. Nga ana tjetër, ecuria e konsumit dhe investimeve private mbetet e dobët dhe e paqëndrueshme". 
Sipas tij, do të vijojë rritja ekonomike nën potencial.

Redaksia Online
(e.s/shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

Sot Champions League është për ata me zemër të fortë! Liverpool pret Real Madridin, Juve e Dortmund në udhëtim

Sot Champions League është për ata me zemër të fortë! Liverpool pret Real Madridin, Juve e Dortmund në udhëtim

27 Nëntor, 08:43