POP 5

Lajmet më të lexuara të 5 minutave të fundit

Ekonomi

Fullani: U ulën investimet private
norma e interesit nuk ndryshon

Gguvernatori i Bankës tha qeveria duhet të jetë e kujdesshme sa i përket heqjes së kufirit të borxhit dhe parashikimit për rritje të këtij treguesi gjatë vitit të ardhshëm, pasi mund të ketë pasoja afatgjatë për ekonominë shqiptare.
Fullani: U ulën investimet private<br />norma e interesit nuk ndryshon
TIRANE - Banka e Shqipërisë ka vendosur të mbajë të pandryshuar normën e interesit, në nivelet minimale historike prej 4%. Në një komunikim me publikun, Guvernatori Ardian Fullani deklaroi se investimet private vazhdojnë të jenë të ulëta ndërsa performanca e ekonomisë është e dobët.

“Këshilli mbikëqyrës i Bankës së Shqipërisë vendosi që të mbajë, të pandryshuar në normën bazë të interesit në katër përqind. Investimet private mbeten të ulta në prani të shfuqizimit jo të plotë të kapacitetit të prodhimit te pasigurisë së pjesës së brendshme dhe të huaj dhe të kushteve më të shtrënguara të financimit në sektorin financiar,”- shprehet Fullani.

Banka e Shqipërisë ka ulur pese herë normat e interesit që nga korriku i vitit të kaluar. Por, transmetimi i politikës monetare ka qenë i vonuar, për shkak të ngërçit të krijuar me interesat e bonove të thesarit që mbetën të pandryshuara nga janari deri në korrik, si rrjedhojë e tërheqjes së bankave perëndimore nga blerja e letrave me vlerë të qeverisë.

Sipas guvernatorit qeveria duhet të jetë e kujdesshme sa i përket heqjes së kufirit të borxhit dhe parashikimit për rritje të këtij treguesi gjatë vitit të ardhshëm, pasi mund të ketë pasoja afatgjatë për ekonominë shqiptare.

“Politika fiskale e ndjekur gjatë tre tremujorëve të parë të vitit është materializuar në një rënie vjetore të shpenzimeve publike në këtë periudhë, ndërkohë që rritja e të ardhurave ka qenë e ulët dhe deficiti buxhetor i kontrolluar. Tremujori i katërt dhe viti 2013 pritet të karakterizohen nga rritja e shpenzimeve fiskale dhe e deficitit buxhetor. Kjo politikë fiskale rrit stimulin makroekonomik në afat të shkurtër, por ajo duhet të jetë e kujdesshme ndaj nevojës për qëndrueshmëri afatmesme dhe afatgjatë të borxhit publik”, u shpreh Fullani.

(ad.ti/Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Tiranë/ 'Bad Spin 3', kontrolle në disa subjekte, arrestohen 4 persona pasi luanin baste sportive online

Tiranë/ 'Bad Spin 3', kontrolle në disa subjekte, arrestohen 4 persona pasi luanin baste sportive online

26 Nëntor, 09:38