Furnizim me ujë 24 h/ditë, investim pas 30 vitesh në Bovillë, drejt dyfishimit të kapaciteteve

Pas 30 vitesh, Bashkia e Tiranës ka nisur një investim në Bovillë që synon dyfishimin e kapaciteteve të impiantit. Përmes një postimi në teitter, kryebashkiaku Veliaj ka postuar disa foto nga kantieri ku po punohet për rritjen e kapaciteteve të Bollivës. Ndonëse në këto katër vite është dyfishuar furnizimi me ujë të pijshëm, falë këtij investimi,  objektivi i Bashkisë së Tiranës dhe i kryebashkiakut Veliaj është garantimi 24 orë në ditë me ujë të pijshëm i qytetarëve. 

“Ky nuk është një instalacion arti. Me hapjen e motit, hapet sërish fronti i punës për dyfishimin e impiantit të ujit në Bovillë pas 30 vitesh nga investimi i parë kur Tirana kishte vetëm 250 mijë banorë! Kemi dyfishuar ujin në Tiranë këto 4 vjet, e çojmë në 24 orë/ditë me këtë investim”, shkruan Veliaj.

Paralelisht me investimet për burime të reja dhe për impiantin në Bovillë, Bashkia e Tiranës ka nisur një sërë investimesh të rëndësishme në këto katër vite dhe për përmirësimin e rrjetit të shpërndarjes, i cili për shkak të mungesës së vëmendjes dhe abuzimeve, ishte kthyer në një kulluese makaronash.

G.M./Shqiptarja.com
Komento

Komente

  • MAKS VELO: 19/05/2019 18:28

    NUK zgjidhet keshtu problem I ujit ne tirane,,,

    Përgjigju