POP 5

Lajmet më të lexuara të 5 minutave të fundit

Kronikë

Ndërtimet pa leje në Patok, arrestohet drejtori i IMT në Kurbin, pezullohen inspektorët! Arrest shtëpie ish-kryeinspektorit të IKMT Lezhë (Emrat)

Drejtori i IMT-së në Bashkinë e Kurbinit, Jetmir Muzhika, ra në pranga në sajë të hetimeve të nisura për ndërtime pa leje në zonën e Patokut, ndërsa janë pezulluar tre inspektorë. Arrest shtëpie u caktua dhe për Flor Gjinin, ish-kryeinspektor i IKMT Lezhë

Furtunë në Inspektoriatin Vendor të Mbrojtjes së Territorit në Bashkinë e Kurbinit. Arrestohet drejtori, Jetmir Muzhika dhe Flor Gjini, ish-kryeinspektori i IKMT Lezhë i cili aktualisht është drejtor poste, ndërsa janë pezulluar të gjithë inspektorët në sajë të hetimeve të nisura për ndërtime pa leje në zonën e Patokut.

Në total deri më tani janë ekzekutuar 5 masa sigurie të caktuara nga Gjykata e Lezhës, dy arrest shtëpie e arrest në burg, kurse tre janë pezullim i ushtrimit të detyrës, për veprën penale “Shpërdorimi i detyrës”, informoi më 29 prill policia e Lezhës. 

Shkak janë ndërtimet pa leje në zonën e Patokut dhe marrja e inerteve në mënyrë të paligjshme në lumin Mat mëson shqiptarja.com. Sipas prokurorisë zyrtarët kanë shpërdoruar detyrën duke mos vepruar për të ndaluar ndërtimet pa leje dhe shfrytëzimin e inerteve të lumit Mat.

Hetimet në lidhje me këtë çështje kanë nisur disa muaj më parë nga prokurori Sabri Kastrati, i cili pas një sërë veprimesh doli në konkluzionin se zyrtaret kanë shpërdoruar detyren dhe ju drejtua gjykatës me masa sigurimi, ndaj tyre.

Edhe për ish-drejtorin e IKMT Flori Gjini, organi i akuzes kishte kërkuar masen e sigurisë "Arrest në Burg", por gjykata vendosi një masë më të butë ndaj tij atë të arrestit në shtëpi.Vendimet u ekzekutuan këtë të hënë nga policia e Lezhës, ndërsa hetimet për këtë çështje po vijojnë.

Sipas burimeve janë vënë në sekuestro preventive ndërtimet e konstatuar pa leje si dhe dy subjekte që shfrytëzonin Lumit Mat për inerte në kundërshtim me ligjin.

5 masat e sigurisë që janë ekzekutuar
- Jetmir Muzhika, drejtor i IMT, bashkia Kurbin- “Arrest në burg”
-Flori Gjini, ish-kryeinspektor i IKMT Lezhë- “Arrest në shtëpi”
-Rivelioni Ismalaj, inspektor i IMT, bashkia Kurbin- Pezullimi i ushtrimit të një detyre a shërbimi publik
-Shan Preci, inspektor i IMT, bashkia Kurbin- Pezullimi i ushtrimit të një detyre a shërbimi publik
-Artur Përdoda, inspektor i IMT, bashkia Kurbin- Pezullimi i ushtrimit të një detyre a shërbimi publik

Dosja po hetohet nga prokurori Sabri Kastrati, informoi gazetari i Shqiptarja.com dhe Report Tv, Elvis Hila

S.G/R.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lezha/Tale: 30/04/2024 00:29

    Po kendej nga Talja do kini kohe te dilni , se eshte bere nami eshte bere, apo me vone .....

    Përgjigju
  • aliu: 29/04/2024 19:08

    Këta drejtorë me shumë mundësi janë në kërkim ndërkombëtar me emra të tjerë, si skifterë apo trafikantë droge. Që nga forma e kokës dhe nga mjekrra të japin përshtypjen e hajdutëve me kollare. Por këtu te ne, nëse je patronazhist dhe grumbullues votash për pushtetin, bëhesh jo vetëm drejtor e kryeinspektor, por dhe deputet dhe ministër.

    Përgjigju
  • Agjenti: 29/04/2024 12:09

    Te paret paskemi qene per shkaterrimin e vendit cep me cep

    Përgjigju
  • Pet: 29/04/2024 11:48

    Mjafton qe te shikosh moshen e "Drejtoreve" ne Shqiperi dhe te kuptosh psa jemi ne kete situate. Shumica e tyre jane nen 40 vjec, Nje drejtor duhet te kete 30 vjet eksperience , kurse keta e vendosnin 30 vjec, Pik e zeze.

    Përgjigju
  • Gerdeci: 29/04/2024 11:34

    Sa shpejt qenkeni kujtu...i late te bejne qejf e tani i vini hekrat. Po ndertimet pa leje, po inertet qe u zhduken???

    Përgjigju
    • Or tej: 29/04/2024 12:49

      Ky qe zhduk edhe inertet eshte skifter den baba den or teeeejjjjj

  • Sondazhi i ditës: 26 Mars, 08:02

    Sa të rëndësishme janë zgjedhjet e 11 majit për integrimin në BE?

Lajme të tjera



×

Lajmi i fundit

Durrës/ Lejoi të merrej nafta kontrabandë nga anija e sekuestruar në Porto Romano, Apeli i GJKKO lë në burg policin

Durrës/ Lejoi të merrej nafta kontrabandë nga anija e sekuestruar në Porto Romano, Apeli i GJKKO lë në burg policin

27 Mars, 12:13