Ekskluzive/ Fushata e 11 majit, Mediu 1100 euro pagesa për fjetje e masazh indian LaCivitas, 1100 euro edhe për Manafort

Partia Republikane e Fatmir Mediut ka shpenzuar 118 mijë euro gjatë fushatës së 11 majit. Nga këto, 50 mijë euro kanë shkuar për financimin e mitingjeve në bashkëpunim me PD.

Fatmir Media ka kontraktuar një kompani amerikane për zgjedhjet e 11 majit, për të bërë strategjinë e rrjeteve sociale. Në raportin që ka dorëzuar në KQZ, thuhet se Mediu ka paguar 35 mijë euro kontratën e PR me Harris Media.

Pjesë nga kontrata

“Klienti do t'i paguajë Kontraktorit një Mbajtëse sipas orarit të mëposhtëm:

a.            Do të paguhet paraprakisht për shërbimet që përfshijnë konsulencën dhe strategjinë dixhitale, menaxhimin e mediave sociale, dizajnin grafik, menaxhimin e bazës së të dhënave, redaktimin e videove të lehta, marketingun me email, mirëmbajtjen e faqes së internetit dhe ndihmën me METА.

b.            Kontraktori do të shërbejë si strateg i medias dixhitale, duke marrë pjesë në thirrje dhe takime ditore dhe/ose javore me kërkesë të Klientit dhe duke përgatitur raporte mbi aktivitetet dhe planet mbi iniciativat kryesore në mënyrë të rregullt me kërkesë të Klientit.

Si pjesë e Marrëveshjes së Mbajtjes, Kontraktori do të dërgojë Zëvendëspresidentin e Çështjeve Politike të Harris Media, Brian Ruddle, në Tiranë për datat nga 12 prilli 2025 deri më 19 prill 2025. Përveç kësaj, Harris Media do të dërgojë një nga ekzekutivë tanë të lartë të kontabilitetit, Austin Parsons, për t'u vendosur në vend nga 12 prilli  deri në fund të fushatës. Anëtari/anëtarët e stafit të integruar do të punojnë në koordinim të ngushtë me ekipin e Klientit për të ofruar mbështetje në vend, për të ekzekutuar detyra të lidhura me fushatën dhe për të siguruar integrim të përsosur me përpjekjet e vazhdueshme të marketingut dixhital. Kjo dispozitë nuk do të interpretohet si një marrëdhënie pune midis anëtarit të stafit të integruar dhe Klientit. Anëtari i stafit do të mbetet nën drejtimin dhe punësimin e Kontraktorit gjatë gjithë kohëzgjatjes së detyrës.

Shpenzimi do të paguhet sipas skemës së mëposhtme:

- Shpenzim një herësh prej 35,000 dollarësh, për të gjithë kohëzgjatjen e kësaj marrëveshjeje

(2) Klienti do të rimbursojë Kontraktorin për të gjitha rregullimet e udhëtimit dhe akomodimit në përputhje me kushtet e përcaktuara në seksionin e lartpërmendur të kësaj Marrëveshjeje”.

Partia Republikane (PR) ka pasur një total të ardhurash prej 11,808,057 lekë.

Këto të ardhura janë ndarë sipas burimeve si më poshtë, bazuar në Përmbledhjen Financiare të subjektit:

1. Totali i të ardhurave nga fondet publike (Financime publike):

    ◦ Shuma: 2,689,113.00 ALL.

2. Totali i të ardhurave të krijuara nga vetë partia (Financime jopublike):

    ◦ Shuma: 9,118,944.84 ALL.

Partia e Lirisë ka shpenzuar 100 mijë euro në total gjatë fushatës për zgjedhjet parlamentare të 11 majit. PL e drejtuar nga Ilir Meta ka depozituar në KQZ raportin e të ardhurat dhe shpenzimet, nga ku vihet re se 70% të të ardhurave Partia e Lirisë e ka ‘sakrifikuar’ për aleatin e tyre Sali Berisha.

Sipas shifrave të depozituara nga Partia e Lirisë, 70 mijë euro nga buxheti i tyre ka shkuar për mitingjet e përbashkëta me Sali Berishën dhe Partinë Demokratike. Shuma 70 mijë euro, është shifra më e lartë që përmendet nga PL për mitingje, tubime dhe aktivitete në fushatë.

Gati 20 mijë euro janë shpenzuar për transportin, ndërsa 11,352 € janë shpenzime administrative ku përfshihen pagesa për Kamela Nacollari, Florjan Sina, Gaming Store Elios, ZAJS AUTO, Benja Shpk, dhe Shpresa Bacelli. Partia e Lirisë ka paguar gati 3300 euro për mediat sociale një pagesë që ka shkuar në emër të Hamez Gjonaj. 

Ndërkohë, Ilir Meta që fushatën e ‘realizoi’ nga qelia nuk ka shpeznuar asnjë para nga buxheti i Partisë së Lirisë, por nga ana tjetër Meta nuk ka arritur as të gjejë donatorë për të mbështetur fushatën e partisë. Edhe kandidatët e tjerë të PL-së, që u vendosën në lista të mbyllura pas koalicionit me Berishën, nuk kanë shpenzuar asnjë para.

(Kliko për të lexuar dokumentin e plotë)