FUSHË KRUJË - Një aksident i rëndë automobilistik ka ndodhur në superstradën Fushë Krujë-Vorë. Aksidenti ka ndodhur rreth orës 19:30 në vendin e quajtur Ura e Gjolës, kur një makinë tip AUDI A6 me targë AA720GD ka përplasur një grua 50 vjeçare banore e zones, duke i shkaktuar vdekjen e menjëhershme.
 
Mësohet se viktima quhet Hike Gjoni dhe në momentin e aksidentit ajo ka qenë duke ecur në anë të rrugës. Trupi i viktimës ka qëndruar në rrugë e mbuluar me një çarçaf të paktën  40 minuta.
 
Nga hetimet e para rezulton se aksidenti ka ardhur si pasoje e shpejtësisë me të cilën po lëvizte mjeti. Drejtuesi i mjetit emri i te cilit nuk bëhet ende i ditur është ndaluar nga policia.

Redaksia Online
(a.h/shqiptarja.com)