POP 5

Lajmet më të lexuara të 5 minutave të fundit

Sociale

Fushë Krujë/ Me dy djem të sëmurë dhe prej 10 muajsh në çadër pas tërmetit, nëna apel për ndihmë: Jetojmë në kushte të mjerueshme, më mirë të vdes, po ku të lë fëmijët

Pa shtëpi, dhe me dy djem të sëmurë, Flutura Zela nga fshati Mazhë e Madhe e Fushë-Krujës apelon për ndihmë. Shirat e vjeshtës e kanë vështirësuar jetesën në çadër, ku po qëndrojnë prej 10 muajsh. Report Tv ishte në këtë familje dhe përcjell zërin e tyre për ndihmë.

Shirat e vjeshtës e gjetën në çadër këtë grua që i ka rënë barra e madhe të kujdeset për dy djemtë me probleme të shëndetit mendor e fizik.

"Djali ka vuajtur shumë e ka zënë makina. pastaj shkoi në Greqi dhe kur u kthye ishte me depresion. Ai kap thikën, kemi frikë...Edhe djali tjetër ka lindur me problemet e veta. S'mund të jetoj më kështu! po ku t'i lë djemtë...kujt t'ia lë!", shprehet ajo me lot në sy.

Këmbët nuk e mbajnë, Flutura Zelën pas natës me shi e furtunë. Ajo vuan nga disa sëmundje kronike, ndërsa ka mbetur e dëmtuar në këmbë nga tërmeti.

"Lekët që kam marrë i kam bërë ilaçe se jam dëmtuar nga termet. Shiheni si e kam këmbën. Gjithë natën nuk kam fjetur, se kisha frikë se hynte uji i shiut në çadër. Duke u ngrit natën më iku dora, dhe u bëra më keq se sa isha", rrëfen me tej për mikrofonin e Report Tv.

Familja nga fshati Mazhë e Madhe e Fushë-Krujës jeton me paratë e pensionit të invaliditetit. Por siç na tregon Flutura, ato nuk mjaftojnë as për ilaçe.

"Ne marrim 25 mijë lekë në muaj, por ato na shkojnë të treve për ilaçe...jetojmë me borxhe", tha më tej Flutura Zela.

64-vjeçarja nuk dëshiron të shpërngulet tek banesat kolektive që po ndërtohen në njësinë administrative Bubq. Sipas saj, jeta në komunitet nuk është e përshtatshme pasi djali me probleme mendore krijon shqetësim për banorët e tjerë.

Gjithë çfarë kërkon është rindërtimi i shtëpisë që ka mbetur gërmadhë nga tërmeti i 26 nëntorit 2019.

E plogësht, e mundur nga hallet, apelon për ndihmë përmes mikrofonit të Report Tv.

"Zoti t'i ruajë të gjithë ata që mendojnë për këtë nënë. Jam me dy djem të sëmurë, 40 dhe 37 vjeç, dhe unë vetë e sëmurë. Dua një copë shtëpi...".

*Numri i vendosur në dispozicion nga familja për kontribute:

Flutura Zela cel 0698549073

Adresa: Fshati Mazhë e Madhe, njësia administrative Bubq, Fushë-Krujë

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34