Gafa e Kujtim Gjuzit, përfshin në listën e kandidatëve për deputetë mësuesen e cila ndërroi jetë 4 muaj më parë

Kreu i Partisë Konservatore, Kujtim Gjuzi

Kreu i Partisë Konservatore Kujtim Gjuzi ka bërë një gafë teksa dje ka publikuar listën me kandidatët për deputetë në zgjedhjet e 25 prillit që do garojnë nën logon e tij.

Mes emrave, ishte dhe Perika Xhuli e cila ka punuar prej vitesh në arsim. Kjo ka sjellë reagimet e shumë personave ku arkitekti Astrit Seranaj shkruan në profilin e tij se Perika ka ndërruar jetë 4 muaj më parë në 27 tetor 2020.

Tragjikomedi! Perika XHULI kandidate për deputete në listën e Kujtim Gjuzit, në zgjedhjet e 25 prillit 2021. Kujtim Gjuzi, o idiot, o maskara, o i paftyrë. Yyyttt. Jashtëqitje kombëtare. Perika Xhuli ka ndërruar jetë në 27 tetor 2020. Një pensioniste e cila kishte punuar në arsim dhe që vinte pothuaj çdo natë në sheshin e Teatrit. Ishte mbështetëse e kauzës dhe një qytetare e nderuar. I dedikuam një shkrim ku i shprehëm familjes dhe të afërme dhe miqve të saj ngushëllimet tona të sinqerta. Ishte një humbje e madhe edhe për ne dhe kauzën e Teatrit..Çfarë të thuash..tmerr” shkruan Seranaj i indinjuar" - shkruan Seranaj.

Ashtu siç shkruan arkitekti, Perika Xhuli ishte një prej të moshuarave e cila shkonte në sheshin e Teatrit Kombëtar në mbështetje të kauzës së Aleancës për Teatrin. Edhe vetë Aleanca për Teatrin i ka kushtuar në tetor një shkrim në rrjete sociale ku njoftonte ndarjen nga jeta të së moshuarës.

Një ditë pas publikimit, Kujtim Gjuzi e ka fshirë emrin e Perika Xhulit nga lista e tij e publikuar në profilin e tij në Facebook.

Postimi i djeshëm i Kujtim Gjuzit

Reagimi i arkitektit Astrit Serjanaj

Postimi i Aleancës për Teatrin në tetor:

E.M./Shqiptarja.com
  • Sondazhi i ditës:

    Ngjarja e Kavajës, sipas jush si do të jenë ditët e fundit të fushatës elektorale?

Komento

Komente

  • Beni: 28/02/2021 05:00

    Keto jane ne pergjithesi politikanet shqiptare,karagjoze,qesharake.Nje milet qe ka deputet qesharakun Kujtim Gjuzin & Co,nje media qe e reklamon,nuk ke çfare pret.Ne shikojme çdo dite analiste karagjoze,politikane qesharake,qe e çmenden kete milet.Bombardimi i trunit me qesharaket eshte ne stade maksimale,ku çdo nate karagjozet fillojne ushqejne shqiptaret me nivelin katastrofik te mendimit,sjelljen,fjalorin e tyre.Ç'te flasesh kot,kur keta suportohen edhe nga media masivisht.VK.

    Përgjigju


×

Lajmi i fundit

John

Plagosja e sekretarit të PD në Kavajë, Rama: E qartë që ngjarja s'ka lidhje politike! Lulzim ndahu nga Iliri e Saliu, boll bëre kukullën e të paudhëve pa din e iman