Administratori i ekipit të Milanit Adriano Galiani pas takimit me presidentin e ekipit të Realit të Madridit Florentino Perez ka deklaruar se rikthimi i Rikardo Kaka në Milano është i pamundur që të realizohet. "Dëshira për të sjellë edhe një herë Kaka nuk mund të realizohet.

Kaka është një mision i pamundur, ndoshta janë shumë të cilat nuk mund t'i përballojmë, kështu që kemi hequr dorë nga objektivi" është shprehur Galiani nga SHBA. Deklarata e tij lë të kuptosh që edhe këtë edicion fantazisti do të mbetet në Madrid. Madrilenët nuk heqin dorë lehtësisht nga 60 milionë eurot që kanë paguar për të pasur shërbimet e brazilianit.

(d.b/shqiptarja.com)