Gara për Drejtor të Përgjithshëm të Policisë, deri tani 8 kandidatë! Kush janë pretendentët, karriera dhe detyrat! JA EMRAT

Kur kanë mbetur vetëm pak orë nga afati i mbylljes së fazës së aplikimit për postin e drejtorit të Përgjithshmë të Policisë së Shtetit mësohet se deri tani zyrtarisht janë 8 emra që kanë dorëzuar kandidaturën e tyre.Gazetari i Report Tv dhe Shqiptarja.com mëson emrat e tyre.

Emrat më potencialë deri tani janë ata me karrierë më të gjatë nga kandidatët e zyrtarizuar; Rebani Jaupi, Pëllumb Seferi dhe Ardian Çipa.

Drejtori i ri duhet të jetë aktualisht funksionar i Policisë së Shtetit, në detyrë dhe me gradë, gjë që pritet që përjashtojë të parin nga gara ish-kryepolicin Shemsi Premçi.

LEXO EDHE:
Reklamat në rrjete sociale për lojërat ku fitohet para, Policia: Kujdes me aplikacionin ‘Plinko’

Mëngjesin e ditës së nesërme pritet të ketë reagim zyrtar për emrat kandidatë dhe listën e plotë, teksa do nisë edhe faza e garës. Komision Ad-Hoc me 3 anëtarë; drejtori i AMP, Sekretarja e Ministrisë së Brendshme dhe një punonjës i ministrisë.

Një emër i nëntë që pritet të aplikojë si kandidat është edhe drejtori aktual i Policisë Durrës, Skënder Hitaj. Kandidatët janë oficerë të lartë me gradat Drejtues dhe Drejtues i Parë, pasi grada është një nga kriteret kryesore që përfshin automatikisht me pikë vlerësimi kandidatin.

Lista me renditjen e emrave të renditur nga i pari me më shumë pikë i dërgohet ministrit të Brendshëm dhe ky në fund ia dërgon Kryeministrit, ku ka të drejtë të vendosë emrin e parë të preferuar dhe në fund është kreu i qeverisë që vendos.

Kush janë kandidatët, postet që mbajnë dhe karriera e tyre

1- Rebani Jaupi, një nga emrat më potencialë, nëndrejtor i Policisë së Shtetit, ka qenë dy herë drejtor i Policisë së Tiranës, drejtor në Berat, Drejtor i Rendit dhe Sigurisë në Policinë e Shtetit, i Antiterrorit në Tiranë, si dhe i Krimit Ekonomik në Departamentin Kundër Krimit të Organizuar në Policinë e Shtetit. Aktualisht drejtor për Rendin dhe Sigurinë Publike, në Policinë e Shtetit. Një karrierë që përfshin nga vitet 2004 deri aktualisht.

2- Pëllumb Seferi, aktualisht drejtor i Departamentit të Marëdhënive Nderkombëtare

3- Idajet Faskaj, aktualisht shef i Interpol Tirana. Faskaj ka qenë drejtor i Drejtorisë së Mbrojtjes së Dëshmitarëve më parë dhe me detyra të tjera të larta, si kreu i Antidrogës në Policinë e Shtetit dhe drejtor i Drejtorisë Kundër Krimit të Organizuar në Policnë e Shtetit në dhjetë dekadat e fundit.

4- Adriatik Tafçiu, ish-shef i Kurikulave në Akademinë e Sigurisë, ka mbajtur edhe detyrën e ish-nëndrejtorit të Policisë Dibër më 2017, pas vitit 2018 nëndrejtor i Policisë së Lezhës.

5- Altin Mena, aktualisht nëndrejtor i Policisë së Lezhës, ish-nëndrejtor për Hetimin e Krimit Rendin dhe Sigurinë në Lezhë më 2023, ish-shef i Policisë Rrugore Lezhë më 2018, shef i Komisariatit Berat më 2022.

6- Ardian Çipa, aktualisht kryepolic i Gjirokastrës. Ish-shef i Komisariatit nr. 3 deri më 2005 dhe ish-shef i Krimeve, ish-drejtor i Policisë Elbasan, pas 2006, ish-drejtor i Policisë Tiranë 2013, ish-nëndrejtor i Policisë në Vlorë dhe Elbasan, në periudhën 2012-2013, ish-drejtor i Krimeve të Rënda në Policinë e Shtetit deri më 2017. Shihet si një nga kandidatët potencialë.

7- Ilir Proda, drejtori aktual i Policisë së Elbasanit. Momentalisht i është marrë telefoni për verifikim në lidhje me dosjen e “Çopjave”. Më herët ka qenë edhe shef i Komisariatit nr. 2 dhe me detyra në Drejtorinë e Policisë së Shtetit, deri në emërimin e tij në Elbasan.

8- Shemsi Premçi, ish-truproja e Sali Berishës deri në vitin 2005 kur ishte në opozitë dhe më tej me detyra të larta në Policinë e Shtetit, si drejtor qarqesh, kryesisht në Fier, Elbasan dhe Dibër. Ka drejtuar edhe forcat speciale, por edhe Emergjencat Civile në Ministrinë e Mbrojtjes pak vite më parë. Për shkak se nuk ka funksion aktual në Polici, një nga kriteret, pritet që të jetë ndër të skualifikuarit e mundshëm.

TAG:
• pellumb seferi
• Rebani Jaupi
• Ardian Çipa
• Shemsi Premçi
• IDAJET FASKAJ
• Adriatik Tafçiu
• altin mena
• ilir proda
• policia e shtetit

Sondazhi i ditës:

A mund të vendosë vota e diasporës fatin e zgjedhjeve 2025?

• Po

  35.1%

• Jo

  60%

• Nuk e di

  4.9%

Vota total: 1390

Votat totale janë unike

• Sondazhi i ditës:

  A mund të vendosë vota e diasporës fatin e zgjedhjeve 2025?

  Po Jo Nuk e di