TIRANË- Dy javë pas propozimit të presidentit Ilir Meta për të marrë kreun e Kontrollit të Lartë të Shtetit, gjyqtarja e Gjykatës Kushtetuese, Vitore Tusha ka folur sot para Komisionit të Ekonomisë. Gjyqtarja Vitore Tusha, ka thënë se propozimi nga Meta është një përgjegjësi për të.
“Përgjegjësi për mua propozimi i presidentit. Drejtimi i KLSH të jetë sipas frymës së vendeve të përparuara. KLSH të ketë cilësinë e caktuar të institucionit si i pavarur . Komunikimi me parlamentin është shumë i rëndësishëm.”-është shprehur Tusha.
Pas fjalës së Tushës, kryetari i këtij Komisioni, Erion Braçe, ka thënë se ky Komision do të hartojë një raport të cilin më pas do ta depozitojë në Kuvend.
![](https://shqiptarja.com/template/img/NO_ALFA_Kuadrate shqiptarja.png)
Tusha është kandiduar në këtë post pas përfundimit të mandatit aktual të kreut të KLSH-së, Bujar Leskaj. Mandati i kreut të KLSH-së është 7-vjeçar. Përzgjedhja e kreut të KLSH-së bëhet me anë të një procedure, ku garën e hap Presidenca, ndërkohë që emri zgjidhet nga Kuvendi me votë. Emri i Vitore Tushës u propozua nga presidenti Meta. Gjyqtarja Vitore Tusha është pjesë e Gjykatës Kushtetuese dhe kaloi edhe me sukses edhe procesin e Vetting-ut.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)