POP 5

Lajmet më të lexuara të 5 minutave të fundit

Sociale

Garat e aeronautikës, mbi 50 pilotë për 3 ditë në Berat! Piloti bullgar: Qytet i mahnitshëm, me shumë histori! Islam: Garat sjellin turistë

Mbi 50 pilotë nga shumë shtete të Europës kanë marrë pjesë për tre ditë në Berat në garat e aeronautikës. Përveç adrenalinës që ofron sporti, pilotët dhe familjarët e tyre, kanë shijuar edhe bukuritë e qytetit, duke e shfrytëzuar atë edhe për turizëm.

Për tre ditë me rradhë, mbi 50 pilotë kryesisht nga Ballkani, por edhe deri në Angli, morën pjesë në garat e aeronautikës të quajtura “Berati Open Air”. Në të pati disa kategori, pasi pilotët varionin nga mosha 15 deri në 50 vjeç të të dyjave gjinive, ndërsa gara u emërtua “Masteri i qytetit të UNESKOS”. Përveç adrenalinës që të ofron sporti, pjesmarrësit mbetën të mahnitur edhe me bukuritë e qytetit, siç ishte edhe rasti i këtij piloti nga Bullgaria.

“Berati është i mahnitshëm, me shumë histori dhe me njerëz të bukur, siç është Shqipëria në përgjithësi. Dua të them se Shqipëria është vendi im i zemrës, pasi për shumë vite vij dhe bëj garat në Vlorë, por Berati qenka unik, me shumë histori, kala dhe restorante",- wshtw shprehur njw pilot bullgar. 

Një grup i madh pilotësh të apasionuar pas aeronautikës, por edhe të talentuar, ishin nga Kosova.

Sinkron piloti nga Kosova: “Kur vjen puna për të ardhur në Berat asnjëherë nuk përtojmë sepse është vend shumë i mirë dhe me njerëz të veçantë. Këtë garë jam duke luftuar për vendin e parë. Aktualisht jam në 3 vendet e para dhe shpresoj që deri në fund të shpallem edhe fitues",-tha piloti nga Kosova. 

Këto gara, me pjesmarrje të gjërë, vlejnë shumë edhe për promovimin e qytetit.

“Risia është se është edhe ekipi serb, që s’kanë qenë më herët. Mbi të gjitha është toplista e pilotëve në botë në garën e precizionit. Mbi të gjitha vijnë edhe për turizëm sepse të gjithë familjarët e tyre dalin në qytet, ndërsa gara vijon këtu",-u shpreh Alket Islami, president i Federatës së Aeronautikës

Këto gara janë në axhendën e përvitshme të federatës shqiptare të aeronutikës, me qëllim që pas disa viteve të fitojë eksperiencën e duhur për organizimin e një gare botërore.

K.M/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi