POP 5

Lajmet më të lexuara të 5 minutave të fundit

Kronikë

Garda e Nju Xhersit dhuron jelekë
antiplumb për Policinë e Shtetit

Materiale edukative janë dhuruar sot edhe nga Bordi i Arsimit të qytetit Egg Harbor. Këto materiale përfshijnë materiale leximi dhe matematike për klasat I-VI.
TIRANË - Garda Kombëtare e Nju Xhersit ka dhuruar pajisjen të ndryshme për Policinë e Shtetit, si jelekë antiplumb dhe helmeta. Gjithashtu, dhurata janë bërë edhe për sistemin arsimor, ku janë dhuruar libra leximi dhe matematike për klasat nga e para në të 4-ën.

Ceremonia e dhurimit është organiuar sot nga ambasadori i SHBA, Alexandër A. Arvizu gjhatë së cilës, u shënua dhurimi i një numri të konsiderueshëm pajisjesh mbrojtëse për agjencitë e zbatimit të ligjit, si dhe materiale për arsimin fillor, me vlerë 158.000 dollarë. Gjithashtu të pranishëm në ceremoni ishin Ministri i Brendshëm, Saimir Tahiri, Ministrja e Mbrojtjes Mimi Kodheli, Ministrja e Arsimit Lindita Nikolla dhe Drejtori i Përgjithshëm i Policisë së Shtetit, Hysni Burgaj.

Kjo ceremoni ishte rezultati i përpjekjeve të përbashkëta të Gardës Kombëtare të Nju Xhersit, Policisë së Nju Xhersit, Departamentit të Sherifit të Kontesë Bergen dhe Zyrës për Marrëdhënie Dypalëshe në Komandën Europiane të Ushtrisë së SHBA, si dhe ICITAP, Programi i Asistencës për Trainim në Hetimin e Krimit Ndërkombëtar.

Pajisjet u dhuruan nga Garda Kombëtare dhe Policia e Nju Xhersit dhe transportimi i tyre në Shqipëri u mundësua nga ICITAP. Këtu përfshihen 317 jelekë anti-plumb që nga ata të përmasave të vogla e të lehtë që mund të vishen nën rroba normale, deri tek ato më të rëndat të stilit ushtarak, si dhe 200 helmeta Kevlar për të mbrojtur oficerët gjatë operacioneve taktike.

Jelekët dhe helmetat do t’i shpërndahen njësive policore në gjithë Shqipërinë, përfshirë RENEA-n, Forcat e Reagimit të Shpejtë, Operacionet Speciale si dhe Skuadrën e Eleminimit të Mjeteve Shpërthyese.

Gjithashtu, materiale edukative u dhuruan nga Bordi i Arsimit të qytetit Egg Harbor. Këto materiale përfshijnë materiale leximi dhe matematike për klasat I-VI që do të shpërndahen në shkollat publike të Shqipërisë nëpëmjet Junior Achievement, një organizatë partnere e USAID.

Kjo është ceremonia e dytë e dhurimit e cila rrjedh nga një Partneritet i gjatë Shtetëror midis Gardës Kombëtare të Nju Xhersit dhe Forcave të Armatosura të Shqipërisë, pas asaj të vitit 2011 që përfshinte 2.000 jelekë.
 
Redaksia online
(ac/shqiptarja.com)

/Shqiptarja.com
  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Zhupa bën premtimin elektoral: PD në pushtet heq mesataren për universitetet, fituesit sipas meritës dhe preferencës

Zhupa bën premtimin elektoral: PD në pushtet heq mesataren për universitetet, fituesit sipas meritës dhe preferencës

8 Janar, 11:59