Shqiptarët që jetojnë jashtë vendit, por që duan të japin kontributin e tyre pa u kthyer në Shqipëri, do t'u krijohet mundësia që ta realizojnë këtë duke punuar nga shtëpia, në shtetin ku jetojnë.
Kjo u bë me dije sot nga kryeministri Edi Rama, gjatë një bashkëbisedimi me disa prej aplikantëve në nismën 'Gati për Shqipërinë', ku tha se po mendohet për të hapur një segment të administratës për nëpunës publik dixhital, që punojnë nga shtëpia
"Ne jemi duke menduar për një reformë e cila të na japë mundësi që ata që duan të kontribuojnë në mënyrë sistematike, jo thjeshtë për një projekt, por nuk duan të vijën në Shqipëri, të hapim një segment të administratës sonë të lartë për nëpunës publik dixhital, që punojnë nga shtëpia", tha Rama.
Qindra të rinj i janë bashkuar tashmë nismës ‘Gati për Shqipërinë’, të shpallur nga kryeministri Edi Rama, të cilët do të kontribuojnë për vendin për mandatin e tretë qeverisës.
Aplikimet në platformën “Gati për Shqipërinë” vijojnë dhe është në dispozicion të të gjithë atyre që kanë studiuar me rezultate të larta, jashtë shtetit apo në Shqipëri.
VIDEO E PLOTE
Mes aplikantëve të "Gati për Shqipërinë', ishte edhe një pilot, i cili për momentin punon në Arabinë Saudite si kapiten dhe dëshiron të ofrojë kontributin e tij në Shqipëri.
Rama menjëherë i ofroi një vend pune pasi sipas tij, vendi ynë ka shumë mangësi në fushën e aviacionit.
Biseda e Ramës dhe pilotit:
Piloti: Punoj në Arabinë Saudite si kapiten, kam mbaruar studimet për pilot, jam i gatshëm të ndihmojë në fushën e aviacionit.
Rama: Je shumë i dëshiruar të vish sepse është një fushë dhe një profil që kemi kemi mangësi. Sapo të gjejmë një aeroplan, ti si fillim do përfshihesh në punët e aviacionit.
Etleva Gjonçaj, aplikante në platformën "Gati për Shqipërinë', ka befasuar jo pak kryeministrin Edi Rama me CV e saj dhe dëshirën për të dhënë sa më shpejt kontributin e saj për Shqipërinë.
Rama e ftoi që sot në kryeministri, për të shpalosur më tej idenë e saj, e ndërsa Gjonçaj tregoi entuziazmin e saj, Rama nuk kurseu batutën ku i tha të qetësohej pasi edhe mund të zhgënjehej.
Dialogu:
Aplikantja: Unë quhem Etleva Gjonçaj. Kam mbaruar dhe kam titull akademik nga tri universitete në BE. Dua të jap kontributin tim por edhe entuziazmin dhe pasionin, sidomos për projektet për Integrimin. Jam e gatshme të bashkëpunoj që nesër.
Edi Rama: Që sot jo që nesër.
Aplikantja: Ok që sot.
Edi Rama: Sot në 17:00 në kryeministri.
Aplikantja: Me shumë dëshirë faleminderit, është një moment shumë i veçantë...
Edi Rama: Jo prit, se mos zhgënjehesh prit njëherë
Gjatë bashkëbisedimit të Ramës me disa prej aplikantëve të nismës “Gati për Shqipërinë”, zhvilloi një bisedë shumë interesante me një francez i cili kërkon të kontribuoi në Shqipëri në fushën e logjistikës.
Shqipja absolute e francezit tërhoqi vëmendjen e Ramës i cili e pyeti menjëherë se ku e ka mësuar gjuhën, duke shkëmbyer disa batuta me të riun.
Biseda e Ramës me francezin:
Francezi: Unë jam francez në fakt. Jam kualifikuar me një master në fushën e logjistikës në Francë. Mbas kësaj kam punuar disa vite në Shqipëri. Fakti që kam një eksperiencë logjistike me lidh shume me fushën transporti kështu që me zhvillimin e territorit, politikat e transportit, transportit publik.
Rama: Po këto shqipen nga e ke
Francezi: E kam mësuar në Shqipëri
Rama: Në punë e ke mësuar këtë?
Francezi: Në punë
Rama: Me shqiptare je martuar
Francezi: Po me shqiptare
Rama: Aaa, e flet shqipen si frëngjishten.
Lajme të tjera
-
Mbyllja e TikTok për 1 vit, gazetarja amerikane: Shqipëria e ndaloi sepse po dëmton fëmijët, duhet vetëm vullnet politik
22 Dhjetor, 07:58 -
Shqipëria do të mbyllë TikTok për 1 vit, reagon kompania kineze: Presim sqarime urgjente! Dy adoleshentët s'kishin llogari tek ne
22 Dhjetor, 06:59 -
Lezha si asnjëherë tjetër për fundvitin, Rama: Aty ku simboli i Betlehemit është ngritur për herë të parë, pranë ‘Fshatit të festave’ (VIDEO)
21 Dhjetor, 21:59 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Mediat ndërkombëtare jehonë lajmit për mbylljen e TikTok në Shqipëri
21 Dhjetor, 19:10 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë
21 Dhjetor, 15:36 -
TikTok do mbyllet për 1 vit në Shqipëri, Rama: Rrugaçëri, promovon dhunë e krim! Institut për fëmijët në konflikt me ligjin
21 Dhjetor, 13:17 -
Rama: Ku janë sot përfaqësuesit e UÇK-së që Rexhep Qosja i kërkonte në udhëtimin historik drejt Rambujesë
21 Dhjetor, 13:11 -
Ministrja e Kurtit sulmon Ramën pas fjalimit në Kuvend! I përvishen shqiptarët e Kosovës: Si nuk ke turp?!
21 Dhjetor, 09:56 -
Rama me skiatoren Colturi: Disiplinë e re për ne, flamuri kuqezi të ka sjellë fat! Lara: Kënaqësi që përfaqësoj Shqipërinë
21 Dhjetor, 09:24 -
Ylli Pata: A do pranohet nga socialistët, propozimi i SHBA për zgjatjen e mandatit të prokurorëve të SPAK?
20 Dhjetor, 19:33
