Receta

Gatime nga zonja Albana, Bohçe me fileto pule dhe perime

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 9 Shkurt 2022, 11:12 | Përditesimi: 9 Shkurt 2022, 11:13

Bohçe me fileto pule dhe perime

Përbërësit:

4 fileto pule

LEXO EDHE:
Burani verore me speca e domate nga zonja Albana

½ fç gjalpë

1 limon (lëngu)

1 qepë mesatare

3 patate

300 gr bizele

2-3 domate

4 kubikë djathë

1 tufë majdanoz

Kripë, piper

Përgatitja:

Fillimisht kaurdisim filetot e pulës me gjalpë duke i spërkatur me kripë, piper dhe lëng limoni.

Vendosim patatet të ziejnë (jo plotësisht). Në tiganin ku skuqëm filetot e pulës, vendosim qepën të prerë në rondele dhe e kaurdisim derisa të bëhet transparente, më pas shtojmë patatet të prera në feta rrumbullake dhe bizelet. Vazhdojmë kaurdisjen për pak minuta.

Vendosim në tavolinën e punës një letër pjekje të palosur në dysh dhe e lyejmë në brendësi me gjalpë. Vendosim fileton e pulës, sipër perimet e kaurdisura dhe një fetë djathë. E mbyllim grykën e letrës si një bohçe. Lyejmë një tavë me pak vaj dhe vendosim bohçet individuale me nga një fileto pule dhe perime. I vendosim të piqen në furrë të parangrohur në temperaturën 180 gradë Celsius për 1 orë.

MC/Shqiptarja.com

TAG: