Receta

Gatime nga zonja Albana, Ëmbëlsirë pa sheqer, pa vezë

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 29 Dhjetor 2021, 11:28

ËMBËLSIRË PA SHEQER, PA VEZË

Përbërësit:

4 fç miell

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

2 portokalle (lëkurë + lëng)

½ lugë kafeje sodë buke

3 lgj konjak / uzo / raki

½ fç ujë

¼ fç vaj

1 fç arra të thërrmuara

Për sherbetin:

1 ½ fç mjaltë

½ fç ujë

½ lgj kanellë

½ lk karafil

Përgatitja:

Në një tas të madh bashkojmë fillimisht produktet e lëngshme: lëngun e portokallit, ujin, vajin, konjakun (uzon ose rakinë) dhe sodën. Tek mielli vendosim lëkurën e grirë të portokallit. Marrim dy masat dhe i përziejmë. E punojmë me duar derisa të realizohet një brumë i plotë dhe e lemë të pushojë për 30 minuta.

Marrim një pjesë brumi e punojmë duke i shtuar pak miell. E hapim që të bëhet petë e hollë. E presim në shirita të hollë dhe secilit shirit i japim forma të ndryshme.

Në një tigan të thellë hedhim vaj dhe pasi të nxehet shumë vendosim format e petëve dhe i skuqim.

Përgatisim sherbetin dhe e hedhim tek petët (sherbeti i ngrohtë – petët e ftohta ose anasjelltas). Në fund e spërkasim ëmbëlsirën me arra të thërrmuara.

MC/Shqiptarja.com

TAG: