Receta

Gatime nga zonja Albana, Paçe plendësi

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 23 Nëntor 2021, 10:24 | Përditesimi: 23 Nëntor 2021, 10:25

PAÇE PLENDËSI

Përbërësit:

1.5 kg plendës

LEXO EDHE:
Pulë me oriz në furrë nga zonja Albana

5-6 kokrra piper

1 gjethe dafine

1 lgj vaj ulliri

1 lgj gjalpë

1 lç miell

1/2 lç salcë

Spec djegës

Kripë

Për servirjen e plendësit :

5-6 thelpinj hudhër

3 lgj uthull

1/2 lëng limoni

1-2 lgj vaj ulliri

Kripë, piper

Përgatitja:

Pasi e kemi larë plendësin me ujë të ftohtë e kalojmë në ujë të përvëluar për rreth 30 sekonda. Më pas e pastrojmë mirë derisa të zbardhet plotësisht.

Plendësin e pastruar dhe të larë mirë e vendosim të ziejë në ujë të ftohtë. Ndërkohë vendosim mbi sobë një qepë të piqet dhe më pas e shtojmë tek plendësi bashkë me 1 gjethe dafine, disa kokrra piperi dhe kripë. Pasi plendësi të ketë zier, largojmë gjethen e dafinës, kullojmë lëngun dhe presim plendësin në copëza të vogla.

Në një tenxhere kaurdisim pak miell me gjalpë dhe vaj ulliri. Sapo mielli të marrë pak ngjyrë shtojmë salcën, e përziejmë mirë dhe hedhim lëngun e ngrohtë të plendësit. E trazojmë mirë që të mos kokrrizohet. Sapo lëngu të fillojë të marrë valë vendosim copëzat e plendësit dhe pak spec të kuq djegës.

Shtypim hudhrat, shtojmë uthull, vaj ulliri, lëng limoni, kripë, piper.

Paçen e plendësit e servirim të ngrohtë duke hedhur në çdo pjatë nga 1 lugë nga salca e përgatitur me hudhër dhe uthull.